永年士多 (兆安廣場)

营业中

休息中

年初二嘅时候，经1010订咗一个6人嘅龙虾鲍鱼花胶大龙凤盆菜，预约左当日11点至3点收货，差唔多两点就收到司机电话落楼下自取。司机哥哥都好有礼貌，个包装得好好，有纸箱之余，外面仲加多个保温袋。夜晚等齐人就开饭啦，只龙虾好大只。盆菜嘅味还可以啦，唔算太入味，可能我个人比较钟意浓味嘅嘢。只龙虾唔算太新鲜，啲肉好实，唔够爽。分量我觉得唔够多，有小小失望，我哋五个大人都唔够食，要另外自己加嘢食落去煮。佢另外送咗一樽辣椒酱，由于全家人得阿嫂一个食辣，所以冇机会试到。总括来讲，我觉得性价比唔够高，嘢食可以多番少少就好喇！不过佢哋仲送咗$200嘅coupon俾我哋，揾日去试吓佢哋嘅车仔面先。