隠家拉麵工場 (已結業)

同男朋友行街行到咁上下谂住食嘢就比我地见到呢间隐世拉面见细细间咁得意就入咗去啦一入去个西装叔叔就好有中气咁嗌“二奶三二妈四！”其他师传又一齐嗌，有一种热烈欢迎嘅气氛我地坐咗喺收银隔离张枱，超级迫顶住膝头哥之余，男友仲要带咗个极大嘅背囊，勉强放咗喺櫈后有个女侍应攞咗两张点餐纸嚟，男朋友唔肚饿就冇嗌到嘢；我见对面个黑蒜拉面好似好正咁就叫咗一个。两个人坐低得一个嗌嘢食，好唔好意思……好快个面就到，侍应好主动问我地要唔要碗仔个汤入面有好多蒜泥、两块薄叉烧、竹笋、紫菜。我等一次食沾面，唯有望住对面点食我点食啦。块紫菜唔脆嘅一啖啖拉面夹落去个汤度食，个拉面冇𠮶只碱水味（可能比个汤盖住咗？），几弹牙。叉烧太薄太干喇，我都系钟意食厚身软叉烧。墙上面其实贴咗沾面教学，咩汤底太咸唔好就咁饮、加啲昆布醋好食啲、咁咁咁。张教学太远我食到一半先见到sosad 原来跟住嚟加配料好食劲多到最后见对面加清汤落个汤底度饮，咁我又试下啦加少少，好咸再加多d点知错手一嘢车咗劲多落去，好淡唔识食啊喊出嚟收钱时个西装阿叔就嗌 “八十八です”我真系吹涨。其实一路食一路听到佢同一个哥哥仔喺度日语对答我都好紧张，餐牌又系日文行先……