泰金鍋

营业中

休息中

泰式火锅觉得几特别就黎试下。一黎到系先拣汤底，我地拣左一人一锅，噤就可以试下唔同嘅汤底嘛，我要马来娘惹叻沙锅，仔仔要日式蕃咖锅。有澳洲产极选肩胛牛小排，另外仲可以用QR code order 极上牛舌，泰式沙爹鸡肉串，泰式沙爹猪肉串，蟹子墨鱼滑，虾片等等！牛小排认真唔错，无雪味，肥瘦适中！泰式沙爹鸡肉串同泰式沙爹猪肉串非常好味，重沙爹汁！蟹子墨鱼滑好爽口，虾片好脆好食！食物种类都多，热食有海南鸡，仲有咖哩牛肉，肉碎生菜包等等。火锅料更齐全，鱼类，丸类，肠类，蔬菜乜都有！甜品有椰汁糕，刨冰，雪条雪糕，更加有泰式特色饮品，泰式凤爪，泰式青木瓜沙律同各类水果！椰汁糕好好食，唔太甜！而自制刨冰更系小朋友最爱，有椰果，凉粉，红豆作配搭，仲有士多啤梨浆，朱古力浆，黑糖浆等等！呢度地方够大，食物种类都算多，价钱亦唔太贵，的确唔错！