江浙滬 (京華大樓)

营业中

休息中

今日一班人行街街轻松一下，喺铜锣湾揾食原本净系谂到日韩餐，不过有朋友仔大叫一声话想食上海嘢，于是揾到嚟呢间江浙沪！门口都feel到几多大陆人食，应该系正宗口味先吸引到佢哋嘅。上海嘢，前菜点少得鸡丝粉皮！麻酱几香几甜，粉皮亦好爽口，几满意嘅。而侍应哥哥就介绍咗个特色粢饭，平时食嘅都系肉松咸味，但呢度嘅粢饭系甜甜哋嘅！估计系糖丝花生粒粒嘅甜味嚟，清清哋配糯米、油炸鬼又几得意！主菜酸菜鱼系有惊喜嘅，辣味好醒胃鱼肉又爽口，而且有水晶粉皮摄喺入面，一次过饱肚感同味觉都满足晒！至于小笼包就够晒热辣辣，钟意一口食晒嘅人真系要摊一阵先，唔系口都熟！入面个汤系好清甜嘅，好味！最后嚟一个上海菜绝不能少嘅豆沙窝饼作结，满足！