The Backstreet Kitchen (已結業)

又入到黎元朗食晏，朋友带咗我去一条小路，以为食西餐嘅，原来黎到话系食吉列牛，平时好多人等添，星期六12点去到唔洗位good good。 石板吉列牛好耐之前已经想试，但香港仲未食过，始终好少地方有得食。店入面仲有介绍要点样食，例如石板会有件牛脂肪可以扫扫石板等佢有油香啲之类。点完餐都要等一阵，因为睇住店员系厨房烧热咗个石板先会攞出黎。 等咗阵终于见到炸牛排真身啦，牛小排大约会切成12小片，大约系2-3成熟嘅，等你自己再用石板煎，而且仲有椰菜做配菜，好丰富嘅卖相，而石板上都已经预热同有牛脂，下面系用酒精炉，慢慢烧又唔怕大火，同埋有调味酱，饭系选项黎，加白饭或者加横町饭或者加定食set 都得，我今次就唔想食白饭咁斋试下咩叫横町饭。 吉列牛系用上牛小排，牛小排一般肉质都会几淋，都算多油，但无乜牛味，一般熟食会比半生熟咁食好味，而店员推介食前加少少盐煎会香啲，咁要先试味道就乜调味料都唔加，食落果然系无乜味，但炸粉唔厚，而且香脆。再黎一件落少少盐石板煎，味道完全唔同，煎完两面之后油香出咁啲，加埋酱汁食就更丰富。跟住就索性点完酱汁之后先慢慢煎，肉味即刻香好多，食嘅时间再加上姜，配搭起黎味道就好丰富。