無肉食 (堡壘街) (已結業)

原来素食自助餐都可以食到好饱甘走架。今次黎到北角间无肉食食晚市自助餐，佢系中环、荃湾、佐敦、旺角都有分店。餐厅环境宽阔，枱同枱之间有一定既距离。餐厅中间有一张长枱摆晒所有野食。野食refill得好快，而且不时会有新野食出现。冷盘区有沙律、凉面、小番茄、红菜头、皮蛋、凉拌黑木耳、豆腐、红豆糕、凉粉、西瓜等等，水准唔错。炸物区因为新鲜炸起，所以炸物保持到脆度。成日有唔同既新款出现，pizza、芝士挞、春卷都好出色。最估唔到会有拔丝紫薯，十分惊喜。热盘区主要系蔬菜类、豆制品、菇类，亦都有炒面、肠粉同萝卜糕。我特别钟意肠粉，encore左几次。另有红米饭供应。是日靓汤系南瓜蔬菜汤，够清甜。有一款糖水就系黑豆汤啦。野饮有茶同罗汉果，亦都有水提供。以下系我攞过既野食，满肚而归。