鼎皇臭臭鍋 (已結業)

之前上网见到台湾臭臭锅可以喺香港食到，就决定放工同朋友去试下！佢一共有8个锅可以拣，我同朋友分别拣咗招牌臭臭锅同埋蕃茄黑豚肉锅。顺带一提臭臭锅唔系真系臭嘅，只系佢好似臭豆腐果种臭咁香！当然要饮佢地嘅台式饮品啦，我地叫咗一杯珍珠奶茶同埋巨峰梳打，味道啱啱好，唔会太甜谂起一路可以打边炉一路饮就觉得好正！我哋一人叫咗一个锅，结果系食唔晒嘅，份量十足！成个锅仲有好多料，除左有肉片，仲有丸、娃娃菜、枝竹同埋粉丝等等基本上食臭臭锅最主要系个汤底番茄汤比较清甜，但略嫌有啲淡，臭臭锅个汤底都好”臭”，非常浓味，唔洗点豉油都得我个人比较钟意臭臭锅嘅汤底，难怪系招牌！