Orange Elephant Thai Restaurant (利奧坊) (已結業)

之前成日喺lunch hour都有食过呢间餐厅嘅lunch set。喺大角咀附近返工嘅人，应该都唔陌生。因为佢系由博文街搬过嚟。搬咗新铺之后成个铺位仲好有泰式风格。入座见到晚市堂食八折，舖头亦都有免费Wi-Fi服务，落单用QR code网页，要另收+1服务费。都算系几抵嘅一餐。一入座即刻点返一杯mango mania($36)。真材实料粒粒芒果肉都饮得出食得到。泰式烧鸡半只（$128），干身脆皮又香口，咬落去卜卜脆，食落口软冧冧。Juicy得黎，有泰式辣酱加持，少少辣又酸甜，口感层次更加丰富。西兰花炒鲜鱿（$78），食得出嘅镬气，除咗西兰花同鱿鱼仲有红萝卜。鲜鱿爽滑弹牙，西兰花同红萝卜火候十足。杂锦串烧（$89），有猪、牛同埋鸡。串烧仲附送沙嗲酱入口更野味。肉量厚身又大件，闻落去阵阵都系炭香味。芒果椰汁糯米饭（$68），成只芒果上枱，两个饭团大嚿得黎仲有少少热，上面有椰汁飘香。食𠮶阵将椰汁淋上芒果。连埋啖饭一齐食，又热又冻既口感相当有趣。呢个甜品系呢晚最有惊喜既一道菜。