吉壽日本料理 (已結業)

第一次食呢间放题，未去之前睇相已经觉得好吸引，原先book咗九点半入座，但系职员未够钟已经比我地入去，座位几舒服， 一啲都唔迫，而且里面所有嘅职员服务态度都好好，叫完嘢食唔使3,4分钟已经到，速度好快。寿司嘅款式都算多，而且嘢饮嘅选择都好多，极力推介佢嘅炒蟹，够晒热同埋味道唔错！一啲都唔马虎！而且好大只！我两个人食都叫咗三碟！唯一有少少不足嘅就系带子刺身唔系太新鲜！其他刺身都好好，三文鱼好肥美！值得一提嘅就系佢嘅甜品，有自助雪糕机！初初以为系雪糕原黎，原来唧出嚟系乳酪！有原味同埋蜜瓜味，仲有好多配料可以再落！有朱古力，糯米糍同埋啲酱等等。同埋要推介嘅就系佢嘅朱古力糯米糍真系好好食！里便除咗有朱古力雪糕之外仲有啲朱古力酱喺里面！服务质素好，嘢食又唔错，所以会再返嚟食！