亞蘇爾 (形點) (已結業)

今日嚟试新嘢亚苏尔， 澳门菜。呢间亚苏尔应该系今个月先新开既， 之前行咗几次yoho都冇见过， 咁见到有新嘢就梗系要试下啦！一入去嘅第一个感觉， 就系觉得佢个抽风系统好似唔系咁好， 有少少油烟味同埋有少少烟雾弥漫嘅感觉。我哋两个人嗌咗两个餐， 一个系路氹香脆猪扒包配薯条沙律， 另一个系辣肉肠松露芝士猪扒包配薯条沙律， 冇跟餐饮，台面有樽水，两个杯，自己嚟。等食嘅同时周围望望个环境， 出面有几张枱不过冇人，我谂平时冇咁冻应该可以出去坐下。先嚟咗个路氹香脆猪扒包， 个卖相都唔错， 不过个薯条好明显系摆咗好耐， 已经唔热唔脆之余仲好实， 虽然个调味料唔错但系口感扣晒分。不过始终主角都系个猪扒包， 猪扒包真系有惊喜， 猪扒厚得嚟又唔会好实，好多汁，真系第一次食猪扒觉得好味过食牛扒。大约五分钟之后， 个辣肉肠松露芝士猪扒包先到， 竟然呢一碟嘅薯条又唔同㖞， 热辣辣新鲜炸起， 同之前𠮶碟嘅薯条真系差天共地， 好味好多㖞， 希望佢注意下下次唔好攞啲摆咗好耐嘅薯条出嚟俾客人食啦！呢个辣肉肠松露芝士汁真系不得了， 个感觉完全系将凯撒沙律上面嘅芝士加埋松露嘅味道浓缩咗做酱汁，然之后放咗喺块猪扒上面， 佢的