影片
更多
2018-05-16
319 浏览
我同我老婆本来订咗诺士佛台另外一间韩国菜，但系因为我们迟咗15分钟，佢就唔俾位我地。我老婆有坚持话一定要食韩国冷面，所以我的焗住要去我嚟个好几次嘅石墙道。仲记得第一次去石墙道系我老婆嘅姊夫介绍我去。去咗第一次之后觉得𠮶度啲嘢都几好食，又晤系好贵，所以同过唔同嘅朋友一齐去食，同过我屋企人去食，亦都同过老婆去过食。不过今次同之前果几次都有啲唔同，因为我哋好赶时间，九点几要去睇复仇者联盟。我哋差唔多八点半先至落单，唔够40分钟就已经食完兼离开咗间餐厅。我第一次食快餐嘅韩国菜。我哋同侍应讲我哋赶时间，佢同厨房都非常合作，好快就上到菜俾我哋，而佢地嘅态度都非常之好，不论系香港人或者韩国人态度都好好。我见到佢地都不停手，非常之忙，但系态度都仍然维持到应有嘅水准。由于赶时间所以今次都冇食到韩国烧烤，只系每人叫咗一个冷面，我就叫左一个辣嘅冷面，另外叫咗一个海带汤同埋海鲜葱饼。加埋有14款嘅配菜，已经非常多嘢食。首先嚟嘅系冷面，呢度除咗辣之外，仲有酸同埋甜，味道唔错。啲面好幼，面质弹牙。如果要鸡蛋里面挑骨头，我觉得𠮶酱稍为多左少少。不过可能韩国人咁冷面就系咁。整体来讲，值得推介。呢度不嬲都系出名多配菜，
仲记得第一次去石墙道系我老婆嘅姊夫介绍我去。去咗第一次之后觉得𠮶度啲嘢都几好食，又晤系好贵，所以同过唔同嘅朋友一齐去食，同过我屋企人去食，亦都同过老婆去过食。不过今次同之前果几次都有啲唔同，因为我哋好赶时间，九点几要去睇复仇者联盟。我哋差唔多八点半先至落单，唔够40分钟就已经食完兼离开咗间餐厅。我第一次食快餐嘅韩国菜。
我哋同侍应讲我哋赶时间，佢同厨房都非常合作，好快就上到菜俾我哋，而佢地嘅态度都非常之好，不论系香港人或者韩国人态度都好好。我见到佢地都不停手，非常之忙，但系态度都仍然维持到应有嘅水准。
由于赶时间所以今次都冇食到韩国烧烤，只系每人叫咗一个冷面，我就叫左一个辣嘅冷面，另外叫咗一个海带汤同埋海鲜葱饼。加埋有14款嘅配菜，已经非常多嘢食。
首先嚟嘅系冷面，呢度除咗辣之外，仲有酸同埋甜，味道唔错。啲面好幼，面质弹牙。如果要鸡蛋里面挑骨头，我觉得𠮶酱稍为多左少少。不过可能韩国人咁冷面就系咁。整体来讲，值得推介。
呢度不嬲都系出名多配菜，配菜次次都有少少唔同。当然唔会少咗韩国菜嘅主角Kimchi。其他包括芽菜、薯仔、海带、咸鱼仔都系常见嘅配菜。不过我想特别讲一讲其中一款配菜，就系大菜糕，可能你觉得大菜糕，一啲都唔普通嘅嘢，一啲咁冇味嘅嘢，点解咁讲呢？但佢呢度个大菜糕，有芝麻喺里面，再加上面头有一啲紫菜，芝麻香味加上紫菜有啲油，配上唔系好多味嘅大菜糕，食落惊喜。
海带汤，其实海大真系多个啲汤。个味都唔系好耐不过会想味道较为浓多酱嘅冷面，令我感觉都有啲refreshing 嘅感觉。
海鲜葱饼其实响呢度都食过几次，不过唔知系咪因为今次冇食韩烧，所以个葱饼一嚟到我哋就即刻趁热食。佢有少少脆脆地，又有很好多料，所以食落去有意外惊喜。我仲同老婆讲，哇未食过咁好食嘅海鲜葱饼。
最后讲下装修同埋抽气，个装修系典型嘅韩国餐厅装修，墙嘅下半部份用咗一啲浅色木围住整个餐室，仲有一啲有韩国味道嘅假窗，同埋一幅疑似石头嘅壁画，但系就绝对唔系豪华。另外佢都有一个好大嘅户外范围，都摆咗好多张枱。不过唔知点解有个大嘅财神装饰，我谂系新年之后都未拆。同一般嘅韩国菜馆都系一样，虽然冇食韩烧，但系出嚟𠮶阵时成身都系油烟味。
结论
- 快餐，唔使40分钟就食完
- 侍应不停手，非常之忙，但系态度都仍然非常之好
- 好快上到菜俾我哋食
- 推介: 辣冷面、大菜糕(配菜）、海鲜葱饼
- 典型嘅韩国餐厅装修
- 有好大嘅户外范围，同埋好大嘅财神装饰
- 同一般嘅韩国菜馆都系一样，食完𠮶阵时成身都系油烟味
配菜
36 浏览
0 赞好
0 留言
辣冷面
$100
22 浏览
0 赞好
0 留言
海鲜葱饼
$150
6 浏览
0 赞好
0 留言
海带汤
$150
17 浏览
0 赞好
0 留言
张贴
