Ruby Tuesday (已結業)

今次因为有百老汇电器送既六折coupon，趁佢仲未到期，就系啱啱既星期二用咗佢。前一日book定枱，就唔洗等入得，但我去到都见到有人排队，book定稳阵d入面灯光微暗，好适合情侣浪漫进餐我同友人打算叫一个巴马芝士明虾长通粉($268)同埋全份蜜糖烧烤汁经典烧排骨($348)(约13-14条骨)，但去到点餐既时候，侍应推介咗星期二Special menu俾我哋，$238有一份睇落都饱既Roasted Chicken同埋黑松露pasta。听落抵食过用coupon，我哋最后就点咗呢款，同埋一份必食的芝士烟肉薯条($108)，加上一杯无酒精既芒果沙冰特饮($92)。唔知系咪咁啱个晚多人食，D嘢食等咗成20分钟先到但食物质素真系好有惊喜，薯条芝士味浓郁，里面又够热，真系食唔停口🤤而个份鸡都比我想像中好好多，鸡肉嫩滑多汁，轻易切开，配上软硬适中的阔条面，媲美一些高级西式餐厅埋单既时候，职员同我哋讲依家可以用$100join3个月会员计划，呢三个月都keep住有半价，节日餐牌都会提供优惠所以我就join咗啦！呢三个月都应该会疯狂系咁食😂