常悅素食 (已搬遷) 新店位置

一直唔知雅兰有间素食馆，经开呢头就试下~两个人，唔太饿，所以只叫了两个𩠌：温公斋煲....南乳味不算太浓，刚刚好, 冬菇够入味，有好多料，味道OK！香竽焗饭，正！超香！都几大碟.....炒饭底，面盖上竽头茸，内有竽头粒及素肉之类，好香竽头味，口感好好，不过系咸左少少，可以淡返D就完美了！个焗饭等左好耐，要催先上，唔知系漏单定系真系要焗咁耐.....出乎意料之外地好食！非常足料，莲子百合陈皮原粒红豆......免费送的甜品都咁正！要俾钱买我都愿意！好过好多糖水铺多多声~总结：两人试唔到太多菜，下次一于再去食！不过人好多，个场好旺，都几嘈。