美至雞 (已結業)

今日晚餐家人想食鸡，于外卖平台揾到美至鸡，睇过餐牌认为可以试下，就叫咗一只蒸鸡，再加其他配菜。滋补蒸鸡一只，首先只鸡收到后，放咗一阵都仲好热辣辣，香味扑鼻，我用手就咁扯开啲肉分俾家人，真系几好味。跟鸡凉拌土豆丝，份量够多，味道亦唔错。红烧猪手，都够入味，猪手本身就唔多肉，但都系好食的。凉拌青瓜，家人系唔食的，所以青瓜系全部我食晒，味道都够惹味的。柠檬无骨凤爪，未试之前谂紧柠檬味会否好怪，食落觉得都几好味，去晒骨好方便。整体食品质素唔错，会继续试下其他食物。