台灣美食 (已結業)

本身行到去个头想食谭仔，见到有台湾野又想食肉燥饭就入左去。一入到去劲家庭式同劲逼，仲要系食饭时间好多人，但人地似食快餐店，食得好快食完就走。原来间野都唔平，个饭要四十几蚊包十八蚊既野饮。叫左个盐稣鸡肉燥饭加香芋珍珠，另外再叫左个十四蚊既猪古力吐司。盐稣鸡肉燥饭大大碗，但鸡粒就得个小小，仲有小小菜。仲有个酱，应该系醋黎既俾你点。先讲盐稣鸡，唔系即炸既，咬落去好硬，一啲都无酥脆鲜嫩既感觉，可以唔食。啲饭正正常常，酒楼个啲饭，肉燥过咸同太油。碗饭我食左一半都无就无食，好浪费同哂钱。到猪古力吐司，唔好睇佢个样靓靓仔仔咁谂住会唔错好似仙迹岩个啲咁好食。猪古力酱系正常平野个只，个吐司焗得唔够，一啲都唔脆个边唔好食。仲有佢切唔开，最后只可以用手食到成手猪古力酱。唔知点解杯香芋珍珠系最迟先黎。同平时台湾菜既餐厅无得比，杯野落唔够香芋粉不特只，仲要啲珍珠淋到好似浸左一日咁。呢间野同旺角个间西门町真系无得比！