影片
更多
2019-12-11
322 浏览
又到星期六同妈妈行街街嘅日子，去咗细个成日去嘅葵芳XD，呢到真系好正，因为比起旺中更平民更MK！如果讲要扫街，食小食，真系葵广敢认第二，无场敢认第一😎。3楼真系超多人，成个迷宫咁，周围都系食物同人。我哋捐窿捐罅，喺TOP𠮶边入面有条街全部都系小食店，转角位有间劲养眼嘅舖头，无他嘅因为有成大幅连侬墙，差啲连舖名同餐牌都遮埋😝。另一边就有好多食物图片同雪柜，样样都好吸引，好想食🤤，加上台湾食物连我妈都啱。由于餐厅名叫刈bao，就一于试试招牌菜吧XD。我见就见得多，但食真系第一次，同埋我而家先知刈包系读「挂包」，而唔系「刘包」🙈。刈包又名虎咬包，馒头包膜夹住唔同嘅馅，有6-7款选择。$18/1个，$30/2个，所以我哋一人叫咗一款。古早味腩肉刈包，呢个可以讲系原味吧，包膜内包住一块猪腩肉🐷，花生碎、辣菜甫同生菜等！成个组合食喺嚟超夹，但有少少辣🌶，而且新鲜整起，个包包热辣辣超松软呀😋。手撕牛刈包，呢个包就夹住满满嘅手撕牛肉🐮，上面再搭几粒红姜点缀。咬咗一啖我就上瘾了，因为啲牛肉好正好入味，虽然系一丝丝，但完全唔鞋口，连埋个包食一流。由于好食😋嘅关系，会觉得个包包比较迷你，唔够喉。另外，我哋都
又到星期六同妈妈行街街嘅日子，去咗细个成日去嘅葵芳XD，呢到真系好正，因为比起旺中更平民更MK！如果讲要扫街，食小食，真系葵广敢认第二，无场敢认第一😎。3楼真系超多人，成个迷宫咁，周围都系食物同人。
我哋捐窿捐罅，喺TOP𠮶边入面有条街全部都系小食店，转角位有间劲养眼嘅舖头，无他嘅因为有成大幅连侬墙，差啲连舖名同餐牌都遮埋😝。
另一边就有好多食物图片同雪柜，样样都好吸引，好想食🤤，加上台湾食物连我妈都啱。由于餐厅名叫刈bao，就一于试试招牌菜吧XD。我见就见得多，但食真系第一次，同埋我而家先知刈包系读「挂包」，而唔系「刘包」🙈。刈包又名虎咬包，馒头包膜夹住唔同嘅馅，有6-7款选择。$18/1个，$30/2个，所以我哋一人叫咗一款。
手撕牛刈包
$18
4 浏览
0 赞好
0 留言
古早味腩肉刈包，呢个可以讲系原味吧，包膜内包住一块猪腩肉🐷，花生碎、辣菜甫同生菜等！成个组合食喺嚟超夹，但有少少辣🌶，而且新鲜整起，个包包热辣辣超松软呀😋。
古早味腩肉刈包
$18
3 浏览
0 赞好
0 留言
手撕牛刈包，呢个包就夹住满满嘅手撕牛肉🐮，上面再搭几粒红姜点缀。咬咗一啖我就上瘾了，因为啲牛肉好正好入味，虽然系一丝丝，但完全唔鞋口，连埋个包食一流。由于好食😋嘅关系，会觉得个包包比较迷你，唔够喉。
另外，我哋都要咗一份综合5号($30)，即系有盐酥鸡同香芋地瓜球，份量唔算多，胜在热辣辣炸起。盐酥鸡🐔个炸皮唔会太厚，所以食到大啖鸡肉，食得出有啲孜然粉味，但味道相对都系比较清淡，我自己就钟意食浓味少少。至于炸香芋地瓜球就有3粒，外脆内软，QQ口感，甜甜的，唔错😛。
总括嚟讲，呢间小食店都几好，主打台式小食，但唔系剩系得盐酥鸡/大鸡扒咁单调。而作为小店名字嘅刈包就真系好出色，特别系佢哋唔止古早味一款，推介手撕牛🤤，再加上呢到嘅刈包系迷你版，所以可以一次食多几款口味。老板娘斯文有礼，会问我哋有无乜想食，简单介绍下。呢日嘅软脚蟹卖哂😭，如果唔系都想试下。环境就比黄黄嘅气氛包围，但有啲热，应该系商场问题🙈，呢间小店喺转角位，相对大小小，所以都有张高枱方便立食。最后，小店加油💛。
张贴
