影片
更多
2012-11-12
55 浏览
11.11。狗狗行山日，返入黎奥海城空地同狗友們集合，上次活動遲左少少，今次預早 D 過黎食埋早餐先出發選址係呢間大量室外座位 , 可以同狗狗共餐o既 La kaffa 因為見有狗友成日同兩隻 poodle 黎食 , 於是黎試下 ~先到 openrice 做下功課 , 得知呢度o既早餐有平有貴 , 唔係全部都外大大份 All day breakfast , 另外仲有 Tea set ,Drink menu 都好多選擇 , 除左奶茶咖啡果汁汔水之外 , 仲有好似台式特飲咁 , 果味綠茶/紅茶甚至連 QQ 都有 , 最有趣係在於該店真係購入o個 d 用膠紙封蓋o既機器我地兩個人 , 揀左個 $ 92 o既大早餐 , 另外加錢叫多幾樣野而主要想要品嘗o既 , 係那個特濃班尼迪蛋 , 聽聞左好耐 ,但一直都無的起心肝去食 , 因為平時太少機會坐定定食早餐喇All day breakfast 有名o既又多數o係香港區 , 而且晚餐食好似唔夠飽咁 套餐包括 : 特濃班尼迪蛋 , 法蘭克福腸 , 豬肉腸 , 雞肉腸 , 辣味香腸 , 脆香煙肉 , 脆薯餅 , 炒磨菇 ,粟米粒 , 全麥多士 另外加
上次活動遲左少少，今次預早 D 過黎食埋早餐先出發
選址係呢間大量室外座位 , 可以同狗狗共餐o既 La kaffa
因為見有狗友成日同兩隻 poodle 黎食 , 於是黎試下 ~
先到 openrice 做下功課 , 得知呢度o既早餐有平有貴 ,
唔係全部都外大大份 All day breakfast , 另外仲有 Tea set ,Drink menu 都好多選擇 , 除左奶茶咖啡果汁汔水之外 ,
仲有好似台式特飲咁 , 果味綠茶/紅茶甚至連 QQ 都有 ,
最有趣係在於該店真係購入o個 d 用膠紙封蓋o既機器
我地兩個人 , 揀左個 $ 92 o既大早餐 , 另外加錢叫多幾樣野而主要想要品嘗o既 , 係那個特濃班尼迪蛋 , 聽聞左好耐 ,
但一直都無的起心肝去食 , 因為平時太少機會坐定定食早餐喇
All day breakfast 有名o既又多數o係香港區 , 而且晚餐食好似唔夠飽咁
套餐包括 :
特濃班尼迪蛋 , 法蘭克福腸 , 豬肉腸 , 雞肉腸 , 辣味香腸 ,
脆香煙肉 , 脆薯餅 , 炒磨菇 ,粟米粒 , 全麥多士
另外加 $ 2 轉餐飲 , 寒天白葡萄冰茶 ( 是日無寒天 , 改為蘆薈 )
~ 第一次食 , 先到網上做個資料搜集 , 得知傳統的Egg benedict，主要材料是英式鬆餅、水煮蛋 , 火腿或加拿大煙肉以及荷蘭醬
而呢份早餐o既 egg benedict , 係水煮蛋放上鬆餅 , 但醬汁只係好係牛油
煙肉就放左o係側邊而唔係o係雞蛋下 , 咁樣係咪唔正宗呢 ?
鬆餅就好似麥記豬柳漢堡o個種包 , 塗上好香好濃味o既牛油 ,
上面o既半熟蛋 , 圓o都o都 , 漲卜卜 , 真令人想一淡啜左佢 ,
輕力用叉劃破薄薄o既蛋白層 , 蛋黃隨即一如泉湧 , 滲進鬆餅裏
當然鬆餅範圍唔夠如此豐溢o既蛋汁容身 , 有必要立即送入口香濃細滑集合其中 , 鬆餅煙韌 , 滲滿黏黏o既蛋汁 , 真係超好味 ,
正宗與否 , 己經唔重要 , 滿足到我第一次食o既期望 , 留下好印象就夠喇
~ 腸們樣樣都幾好食 , 法蘭克福腸睇落無乜特別 , 但意想不到咁脆皮豬肉腸同雞肉腸好相似 , 但食落就會分辨到 , 雞肉腸較腍身較淡味
豬肉腸味道有少少煙燻o既香 , 味道有 d 豬柳 , 口感比較有彈性
最有特色o既係辣味香腸 , 有墨西哥風味 , 外皮脆韌 , 咬下清脆地卜一聲 ,
腸芯睇落有 d 似台式香腸 , 但不覺油膩 , 富微辣o既肉汁 , 正 !!
~ 脆薯餅切開見到一粒粒薯仔 , 香脆有咬感 , 不枉我地加 $ 8 要多塊
~ 炒磨菇同粟米粒都無乜特別調味 , 就係清清地咁 , 都唔錯o家
~ 煙肉比我想像中美味得多 , 咸香得宜而且肥瘦均勻 , 煙燻味不過重~ 旁邊放好一堆o既係雜菜沙律 , 配黑醋汁 , 好酸 , 唔合我口味 ,
因為唔知道個餐本身有 , 我地仲加 $ 10 要多左份細雜菜沙律
~ 另外加 $ 8 要左份法式多士 , menu 寫住配白糖霜或蜜蜂 ?? xd
上枱送黎o既係白糖霜 , 但我係叫左要蜜糖 , 店員立刻遞上糖漿一枝味道似楓糖 , 好香甜 , 西多士薄薄地 , 不過不失 , 可能因為放涼左
全麥多士又係 , 唔係上枱就食 , 本來熱烘烘都變得有 d 硬同韌 ,
本身無比牛油o既 , 好在我地有糖漿 , 甜食麥包 , 別有一番滋味
~ 蘆薈白葡萄冰茶就如上文所講 ,好似台式凍飲咁大杯 ,
只係加 $ 8 , 都幾抵喎 , 味道不過甜 , 清清地 , 蘆薈份量都唔少
茶味相對地略淡 , 可以視佢為果汁咁 , 作為早餐亦算是稱心
## 以上份量兩個人 , 夠飽有餘 , 共 $ 126 , 個人覺得唔貴仲好抵食平時食碗自己屋企煮只需 $ 10 o既餐蛋面出去食都要貴一倍啦
要買靚雞蛋 , 靚煙肉 , 幾款早餐腸 , 又要煎西多 , 何止 $ 60 ??
张贴
