囍 (已結業)

店铺系商场入面二楼 位置比较静 今次唔洗等位就入得 店内大部分都系卡位 位置都好宽落 坐得好舒服 用餐时间有九十分钟 同朋友嗌咗198嘅set 拣咗浓虾汤 套餐有半只黄金鸡 牛肉 豚肉 仲有牛脷同海鲜 食材都好新鲜 除咗套餐嘅野食 出面仲有自助嘅餐枱 有各式各样嘅丸类 新鲜蔬菜 菇菌 基本上打边炉要有嘅食材都有 而淀粉质方面 就有提供四川担担面同日式绿茶面 系用一个花瓶咁嘅器皿 好得意 酱汁方面都有豉油 蒜蓉 辣椒 可以自己mix 亦都有烧肉汁同芝麻酱提供添 除咗野食 自助吧都有汽水同啤酒提供 啱哂一路吹水嘅大家 如果等唔切啲野食熟 自助吧嘅另一边都有一啲熟食供应 可以食住等 都几多野拣㗎 有寿司 沙律 糯米饭等等 食到咁上下 个汤底到嘅时候 就可以将啲鸡倒咗落去先 然后将枱面上嘅漏斗倒转 等啲沙去哂另一边嘅时候 姐系代表食得啦 个set仲可以加39蚊就有刺身放题 任食唔嬲 但系每一次都限定咗款式同数量 有甜虾 八爪鱼 三文鱼 很新鲜的说呢 正餐食到咗上下嘅时候 系时候出动甜品胃啦 雪糕有提供两款味道 牛奶同抹茶 个人觉得抹茶好食啲 有杯同筒提供 仲有棉花糖同唔同嘅酱可以加 照顾哂每个