角落吾茶 (已結業)

之前一直冇留意开呢间舖头，我有次夜晚路过见到咁夜都未闩门，就谂住比次机会试吓，一行到入去已经觉得同平时嘅嘢饮舖唔同。入边嘅装修好特别，好似真系台湾嘢饮舖𠮶种艺术风格，仲有位俾人坐低饮埋杯嘢，同事都好有礼貌，系我犹豫紧要饮乜嘢嘅时候亦都有帮我推介，好好人。跟住听到佢哋舖头系用新鲜嘅香水柠檬就决定要试一试，本身以为同平时柠檬茶可能冇乜分别，但系饮落先知真系有种特殊嘅香气，好好饮。杯嘢又唔会太甜，啱啱好适合我呢啲唔系好钟意饮甜嘢嘅人再加上店舖内嘅氛围令人好放松好自在，我会再回头返嚟饮嘢㗎。