波士冰室 (已結業)

今日老中青三人揾食，唔想又去饮茶，见囡囡想饮奶茶就试下lee间波士冰室，虽然位多客多，但侍应服务态度尚算不错，自动波揾位等位都唔使搞好耐，但坐低叫野食之后就开始觉得几趣怪。首先谂住加十二蚊转杯冰波奶茶试下，点知话起码要十二点半后先有（明明我喺早餐牌度见既）咁算啦，唔叫住，但转头试下同个疑似高级d既职员（制服唔同）叫又有㖞（只系十二点）。之后就真笑死你，叫个猪扒煎蛋饭啫，第一次就黎个猪扒火腿饭，咁我就话唔系我地既（之后俾左第二枱），第二次就黎个肉酱煎蛋饭，咁我都话唔系我地既（又俾咗第二枱）,第三次黎个净猪扒饭，我就谂住等咁耐食住先啦，叫佢转头补返煎蛋算啦，废事d饭同猪扒冻，点知摆底唔够十秒就返黎话唔得，d码唔同，咁都算，由佢成碟换啦，第四次终于黎啱啦，但个饭又无俾汁（明明落单时问我要咩汁）,好彩今次肯摆低个饭后补返d汁，唔系又唔知会唔会俾埋人地。好好彩今日唔赶时间，唔系真系多谢哂，不过都要讲句唔好意思，叫左个猪扒煎蛋饭咁刁钻搞到佢地整几次（好彩无浪费食物)。p.s.$50猪扒煎蛋饭，一扒双蛋无饮品／汤，觉得贵左少少