New York Cafe & Bar (已結業)

呢间餐厅好耐之前就已经有人介绍 明明住系元朗但一直都无去过 今年就生日去试下啦！一坐底就比个啲面包条再加啲千岛酱 都几开胃呀 等齐人就叫野食啦 我地有4个人 所以都可以试多几款野食第一个到就系呢个青口啦！只只都好大只好甜好好食 面包加埋啲汤食面好正呀！洋葱又吸晒啲白酒味 正呀！之后都叫左好多肉 所以就特登叫左个沙律加旧鸡 个鸡我仲以为系啲普通野 点知又真系香煎好好食 不过个沙律就差少少 个presentation系好靓 但几个人都唔知点样食好 食到菜又食唔到bacon左边系洋葱汤 又系好好饮！好浓 好正右边系海鲜周打 佢真系有成粒带子架 又系好香好浓味 仲出色过个洋葱汤呀！必饮！差啲想encore呀！！！叫左个猪仔骨 个肉就麻麻有啲干 不过个著薯条就好脆好好食 下次可以净叫薯条 哈哈最后就系呢个牛柳 我本人唔系好钟意食牛 同行朋友就觉得ok 不过个薯蓉仲出色过个main！牛可以拣铁板定碟上 铁板就可以唔洗叫咁熟 佢上台之后就会自己继续热多一阵嘅食完肉仲有最后一个大虾意大利饭 个饭底好好食 软硬刚刚好 个汁唔太浓唔会食到太饱 一定再叫！呢间朋友都觉得唔错 可以推荐同再食！