燒肉 帝 (已結業)

话说今日老婆生日，见住左咁耐都未食过呢间野，又话有野送又话买一送一，咁就去试吓啦。去到门口知客好似唔忧做咁，问有咩餐，就求求其话C, D餐先有买一送一，详情呢张野有。即系叫你自己睇，都冇问题嘅，价钱唔系特别平。简单讲，C餐冇和牛，D餐有，原价688一位。见系生日就试个贵架啦，一入去，带左我哋去左唔系卡位，我见有好多张卡位枱冇人坐就要求坐，点知知客话，如果你想坐就要同人搭枱，中间有块板。结果就同人share一枱卡位。到点餐，原来食系100任食，但系点餐就得60分钟，即系叫你好叫定多啲。最后食到好饱。味道正常，啲和牛系切定未解冻。总括黎讲，688一个人就一定唔会食架啦，宜家试左次买一送一都系建议唔使试。性价比太低，招呼又唔好。