韓味屋

营业中

休息中

去完年宵后去左北角丹拿道韩味屋食野，由于几好食所以写返篇食评。虽然舖头细细不过招呼周到，我地4个人食左个几样野都几正。1.韩式炒粉丝比起我一般食既炒粉丝更加有味，而且里面菜既口感非常好，同粉丝既烟靭互相辉映。2.全州石头锅饭非常足料，加埋辣酱香度倍增，天气冻食真系不得了。3.人参鸡煲呢个真系好正，一饮落去，唔单止系味觉上既刺激咁简单，仲即时感觉到有种能量由淡汤注入身体，饮完一碗时我已经额头出汗，加上仲要加左糯米，令口感更加好，细问下发觉原来系新鲜鸡，唔怪得个汤咁浓味d鸡肉仲咁有味有口感。4.豆腐海鲜汤因同行朋友唔食得辣，叫左小辣，豆腐滑，海鲜足，饮得出唔系味精，配碗白饭真系一流。总体黎讲真系几正，前菜有好多款，任食唔嬲，茶亦唔系普通既茶，系韩国茶，加埋员工热情招待，食得好开心，最可惜系挂住食唔记得影相。