影片
更多
2018-08-29
985 浏览
餐厅位于黄埔九号水产范围内，系一个专门食海鲜鱼生食肆云集嘅广场。唔去开呢头都唔知有个咁嘅地方。第一次食 omasake 绝对有被惊艳到。虽然成间餐厅嘅气氛的确令人食得有轻微嘅胆战心惊。布置采用简朴嘅浅啡色木色为主，俾人和暖嘅感觉。环看周围嘅客人好多都目测似系公司高层嚟倾生意，又或者嚟旅行嘅富有土豪，然后再望吓自己休休闲嘅一身穿搭，的确有啲突兀嘅～似中小妹望落似食元气板长多过食 omasake 嘅人 但美食无疆界嘛值得一提餐厅门面非常低调。唔系特登慕名而嚟嘅话可能真系会错过咗入口而不自知。但既然嚟到咁有质感嘅餐厅，就当然要叹番次 VIP 级数嘅用餐享受啦。毕竟呢个就系 omasake 嘅精髓。菜单方面，omasake 套餐有三款唔同配搭嘅选择。今次我拣嘅就系名为 「樱 Sakura」嘅套餐。$780分别包咗前菜、佐酒小食、握寿司、季节限定嘅热盘、卷物、汤品同埋甜品。前菜由三款腌制咗嘅小菜组成。可以肯定嘅系系佢地都系属于日本渍物嘅食材。味道主要以浓列嘅酸味为主，非常开胃。握寿司方面，总共有 10 件唔同嘅寿司。每一件都鲜美无比。虽然冇食过咁贵嘅鱼生，但老老实实味觉其实系识得辨认贵价货嘅味道
第一次食 omasake 绝对有被惊艳到。虽然成间餐厅嘅气氛的确令人食得有轻微嘅胆战心惊。布置采用简朴嘅浅啡色木色为主，俾人和暖嘅感觉。环看周围嘅客人好多都目测似系公司高层嚟倾生意，又或者嚟旅行嘅富有土豪，然后再望吓自己休休闲嘅一身穿搭，的确有啲突兀嘅～似中小妹望落似食元气板长多过食 omasake 嘅人 但美食无疆界嘛
值得一提餐厅门面非常低调。唔系特登慕名而嚟嘅话可能真系会错过咗入口而不自知。但既然嚟到咁有质感嘅餐厅，就当然要叹番次 VIP 级数嘅用餐享受啦。毕竟呢个就系 omasake 嘅精髓。
菜单方面，omasake 套餐有三款唔同配搭嘅选择。今次我拣嘅就系名为 「樱 Sakura」嘅套餐。$780分别包咗前菜、佐酒小食、握寿司、季节限定嘅热盘、卷物、汤品同埋甜品。
前菜由三款腌制咗嘅小菜组成。可以肯定嘅系系佢地都系属于日本渍物嘅食材。味道主要以浓列嘅酸味为主，非常开胃。
握寿司方面，总共有 10 件唔同嘅寿司。每一件都鲜美无比。虽然冇食过咁贵嘅鱼生，但老老实实味觉其实系识得辨认贵价货嘅味道嘅。每一旧寿司饭同鱼生嘅比例我觉得恰到好处。鱼生亦几厚身，唔会话得个样其实切得好薄。
最后一幅图嘅卷物同埋个两件寿司系我自己另外点嘅。海胆油甘鱼卷完全俘虏咗我个心。呢到嘅海胆味道层次丰富、好鲜味、一啲都唔腥，而且好滑漏，基本上可以话系入口即化。就连我呢个平时唔食海胆嘅人食咗佢都要重新审视自己系咪真系讨厌海胆阵味。油甘鱼亦好新鲜，两种属于唔同海鲜嘅味道撞埋一齐原来好夹!!! 另外两旧深海池鱼寿司，味道反而略淡。但未食过靓嘅池鱼，纯粹因为嘴馋想试吓而点咗两件。
讲番 omasake 嘅握寿司，每一件都俾人感觉非常华丽。除咗海胆之外最印象深刻屋嘅仲有赤贝、海虾、梳子鱼、鲭鱼同埋
沙甸鱼寿司。 味道上有一个共同点一啲都唔腥。平日最钟情嘅拖罗已经被其他琳瑯满目嘅鱼生枪晒镜。如果要我拣我谂我会话油金鱼比拖罗味道更加明显。
套餐嘅卷物系一条中长 size 嘅免治吞拿鱼腩蓉卷，但味道其实比较淡口。不过作为10件精致握寿司之后嘅小品，当清清味蕾准备食热盘都适合嘅。
热盘嘅菜肴系一份的式嘅牛脷两切。食落似系用炆炖嘅方法烹调，所以非常软熟。伴随萝卜同豆一齐食，感觉其实几消暑。呢个热盘应该系走微温路线 再一反衬出食完握寿司后高潮迭起之感。
面豉汤有两只鲜味嘅煮蚬系入面令味道加分不少。话说一路食寿司其实冇咩汤水茶水落肚。饮番个汤感觉滋润番唔少。
甜品系翠玉色日本蜜瓜同粟米。非常清新嘅配搭。见到师傅拎成个蜜瓜出黎切，纯熟嘅刀法好快就分咗一份出黎。蜜瓜非常甜，粟米就还好。
第一次嘅 omasake 用 餐体验咁就圆满结束，亦都令小妹大开眼界。尤其系海胆，食过靓海胆真系番唔到转头。不过呢到有少少吐槽位，感觉师傅佢唔多睇好小妹对食物嘅鉴赏能力。我听到我俾人话系「靓妹」 作为 foodie 嘅我躺著也中枪㖞，系有啲周身唔聚财。我自知自己唔似咩富豪但都唔晒咁样架嘛。我不断影影影就系为咗记录食物嘅美态为佢地留底倩影，难道尊重食物就唔可以影佢地 ？师傅你其实唔晒因为我而预备食材预备到苦瓜干咁样嘅～得罪你了小妹觉得很抱歉。
张贴
