泰麵膳 (已結業)

原本吾写食评的，但水准真的不好！谂住行开尖沙咀，见系新开张，谂住帮衬下小店，支持下！讲menu ，原本想试冬荫捞，点知话无冬荫见有款叫粉红捞，问个职员系咩，话系酸酸咁，算啦，见款式少，又sell 泰式，每款都应该吾差！价钱78，一个面，一个小食，有饮品！有款小黑子，又话无，咁叫椰子水啦！点知，个面一到，似普通云吞面舗d 四宝面，味道都系一样！材料包括，鱼旦，鱼肉，最攞命系猪红！碗汤仲要同食潮州粉面档差好远！仲要俾隔离d 化妆姐姐取笑系车仔面，话好彩无拣😑椰子水，点知系佳宝10蚊4罐既meko ！串烧话两串，点知每串两件仲要好多人，一个人食，仲要揽住个袋坐！咁样就收78蚊？一路食，见到好似请左摄影来做广告，应该又吸引大把人来食！平心而论，绝对不值78蚊，无论味道，饮品，份量，什至舒适度，全部吾得！原本谂住支持小舖，结果感觉不良好！PS 但公平讲句，偷听身旁阿姐话牛肉面个汤味道ok ！但眼见份量都少，干涸过荷包！！所以如果要试，唔好试粉红什么！