八幡屋日本料理 (已結業)

最近工作忙碌，冇啖好食难得约朋友，就去咩都有得食嘅放题啦 兆万一向都系放题嘅集中地，楼下就已经有好多人派传单抢人 睇下价钱，再上网睇下comment， 就决定上八幡屋，性价比似乎都唔错前菜就要胡麻豆腐冷盘，仲有木鱼海带汤 胡麻豆腐，一啖一口 鲜海带汤就好似第一次见，平时都系味噌汤多 海带嘅营养成分好高，味道则带有海洋嘅咸味~钟意食羊嘅我~每次放题都必叫羊架羊架体型中等，因为腌料，所以烧到黑黑实实，好MAN喔~带有孜然粉嘅香味，食落仲有少少苏味，羊迷摰爱芝麻鸡翼，系我放题嘅第二号爱人 除左放题，都唔知边度可以食到芝麻鸡翼 炸到外脆内嫩，又有少少肉汁，真系要趁热食 香芋丸入面嘅紫薯蓉，内部烟韧嘅麻糬位都系重点之一 有啲会好薄，好彩呢度够厚、烟韧有咬口其实仲食咗唔少嘢，不过就推介特别好食嘅畀大家啦 虽然放题入面炒杂菜通常都会好油，但呢度嘅炒杂菜胜在有镬气，又能炒出蔬菜嘅鲜甜味炒牛柳粒，又系另一出人意料之作牛柳粒一啲都唔UN，而且蒜香很特出从呢两样野食，就食得出厨师既炒功收工前，又点可以唔食甜品呢 雪米糍当然唔少得而今次比较神奇嘅系，竟然有埋冰菠萝!!!!好配合夏日呢个时节，SURPRISE位