富臨皇宮

营业中

休息中

寻晚庆祝阿婆生日，之前黎开上手个间东翡翠，食物质素唔错既，但唔知点解近来执左，开左呢间富临皇宫，因为阿婆年纪大行动不便，所以近近地都要黎食。叫得皇宫，装修系有返咁上下，水晶吊灯浅花色墙纸，叫做光猛舒服。因为套餐唔太岩食，所以散叫，各台自己叫自己既菜，我地叫左半只烧鹅、半只鸡、生炒骨、班腩煲、沙姜鸡脚、卤水鹅翼、姜汁芥兰、虾煲、其他唔系好记得啦。大部份食物质素好普通，鸡同鹅都过咸，芥兰一d姜汁味都无，最离谱个班腩煲，无汁整熟再系咁易淋左少少汁系面，完全唔平均，有D有汁有D又无，晒晒。服务可能新开，唔叫唔做，侍应部长成日系客面前嘈，最后个知客走埋黎问D野得唔得，我地照直讲太咸，佢居然唔系话会改善，而系话成场得你地话D野食咸咋㖞，讲到我地老屈佢咁，又要扮听意见，又要唔认衰，呢餐虽然我剩系黎食唔使比钱，但质素咁差下年真系去远少少都唔会再黎。