影片
更多
2020-05-25
446 浏览
早两日相信系因为中暑，昏迷咗12个钟，谂住终于又再储到钱去湾仔会议展览中心食米芝莲必比登美食推荐嘅新沪坊，所以𠮶朝起身发现自己未死得先敢去订新沪坊食晏，点之最后变咗朋友请食生日饭。依家新沪坊午市做紧四式点心拼盘，分别有A及B(只在星期一至五供应，公众假期除外)、另有其他精选点心、厨师精选、仲有星期一至日都有供应嘅$138午市套餐：四式点心拼盘及饭面拣其中一款、甜品(凡惠顾午市套餐，可用优惠价$25加一客精选甜品，依家推广期内，星期一至五免茶芥(公众假期除外)，供应时间上午11时30分至下午2时30分。转咗午市新菜单后，依家见到新沪坊嘅师傅响透明玻璃底下嘅厨房俾大家见到佢哋努力咁整紧点心，咁当然新沪坊嘅名物拉面依然系即拉即煮的。朋友未到，我坐低一阵经理就问我驶唔驶整枝可乐俾我饮住先，成2个月无嚟，估唔到经理仲记得我要饮可乐，细玻璃樽装系特别好饮的；之后朋友到了，首先点了A($68)及B($98)嘅2个四式点心拼盘，再追加了塘坢高汤金鱼饺($58)及牛肝菌煎带子贝包($52有2件)，其实我系啱啱先食完早餐一阵，朋友细食，所以我哋无点饭面。首先四式点心拼盘B先到，有上汤蟹肉灌汤饺、水晶萤素菜
早两日相信系因为中暑，昏迷咗12个钟，谂住终于又再储到钱去湾仔会议展览中心食米芝莲必比登美食推荐嘅新沪坊，所以𠮶朝起身发现自己未死得先敢去订新沪坊食晏，点之最后变咗朋友请食生日饭。
依家新沪坊午市做紧四式点心拼盘，分别有A及B(只在星期一至五供应，公众假期除外)、另有其他精选点心、厨师精选、仲有星期一至日都有供应嘅$138午市套餐：四式点心拼盘及饭面拣其中一款、甜品(凡惠顾午市套餐，可用优惠价$25加一客精选甜品，依家推广期内，星期一至五免茶芥(公众假期除外)，供应时间上午11时30分至下午2时30分。
转咗午市新菜单后，依家见到新沪坊嘅师傅响透明玻璃底下嘅厨房俾大家见到佢哋努力咁整紧点心，咁当然新沪坊嘅名物拉面依然系即拉即煮的。
可乐
17 浏览
0 赞好
0 留言
朋友未到，我坐低一阵经理就问我驶唔驶整枝可乐俾我饮住先，成2个月无嚟，估唔到经理仲记得我要饮可乐，细玻璃樽装系特别好饮的；之后朋友到了，首先点了A($68)及B($98)嘅2个四式点心拼盘，再追加了塘坢高汤金鱼饺($58)及牛肝菌煎带子贝包($52有2件)，其实我系啱啱先食完早餐一阵，朋友细食，所以我哋无点饭面。
四式点心拼盘B
$98
11 浏览
0 赞好
0 留言
首先四式点心拼盘B先到，有上汤蟹肉灌汤饺、水晶萤素菜饺、翡翠香菇烧卖、鱼籽酱百花春卷，因为A及B都有翡翠香菇烧卖、鱼籽酱百花春卷，所以大家都唔驶争，不过分开咗先后次序食，而我朋友就食咗上汤蟹肉灌汤饺、翡翠香菇烧卖同鱼籽酱百花春卷，因为我挂住影嘢同未算肚饿，所以只食了水晶萤素菜饺，素菜饺比较细只、一啪入口就完、饺皮烟韧、蔬菜粒鲜甜爽口。
塘坢高汤金鱼饺
$58
10 浏览
0 赞好
0 留言
塘坢高汤金鱼饺
$58
22 浏览
0 赞好
0 留言
之后到塘坢高汤金鱼饺，卖相已经有90分，真系好似见到有3条金鱼响鱼塘游紧咁，金鱼饺嘅虾肉同猪肉比例刚好，肉质鲜嫩弹牙，我想连清甜嘅汤头都饮哂去，连嘴刁、偏食同唔喜欢食虾饺嘅朋友都赞好食。
四式点心拼盘A
$68
10 浏览
0 赞好
0 留言
再之后四式点心拼盘A，高汤小笼包、翡翠香菇烧卖、鱼籽酱百花春卷、鸡蓉咸水角，朋友只咗食高汤小笼包，服务员叫要佢要衬热食，但又要小心小笼包里面好热嘅汤汁，而我就食咗其他3样，翡翠香菇烧卖肉质扎实；鱼籽酱百花春卷超脆口、超脆嘅春卷已经盖过咗鱼籽酱嘅咸香；鸡蓉咸水角，啤梨型卖相已不错、外皮脆而不韧、馅料惹味。
牛肝菌煎带子贝包
$52
15 浏览
0 赞好
0 留言
到牛肝菌煎带子贝包了，贝壳嘅卖相造型又系靓到不得了，贝壳型嘅系包、里面有片带子、碟上有牛肝菌汁包围住贝壳，包身系软熟、带子煎过微香而且腍身肉嫩、牛肝菌营养丰富、味道鲜美、将贝壳包及带子沾上少咸又带甜嘅牛肝菌酱汁一齐食更添美味。
香草雪糕蜜糖脆麻花
$58
17 浏览
0 赞好
0 留言
唔好甜品嘅朋友居然点了香草雪糕蜜糖脆麻花($58)去食，我哋share食，朋友唔食香草雪糕，所以我食哂，香草雪糕冰冻香滑，但佢又食哂雪糕上面块脆焦糖、蜜糖脆麻花酥化又唔会太甜、点埋橙味嘅泡沫一齐食有中和作用。
朋友唔算系新沪坊粉丝，但佢睇完母亲节memu后，走时佢居然去订某日嘅午晚共两餐，好彩仲有8人枱(见到有12人菜式系会分开6个一枱咁坐的)。
本身呢个午市套餐，星期一至五(公众假期除外)已经优惠免茶芥，多谢多年好朋友埋单，以米芝莲必比登美食推荐餐厅嚟讲算系抵食。
张贴
