古早味休閒台灣 (已結業)

正所谓一不离二, 二不离三, 既然食过两次都觉得好味, 就梗系要嚟第三次啦🤣人哋个menu咁多款美食, 总可以有新尝试嘅😉 不过由于啱啱瞓醒😬可以话系早餐时段(其实已经系日上九竿)😂😂😂所以都唔会觉得好肚饿, 睇嚟睇去, 最后我就决定咗试下呢个台式手卷, 仲凤尾虾网米春卷, 食完仲心郁郁叫多咗个甜品伯爵奶茶慕丝蛋糕, 全部都冇令我失望, 可以开开心心咁离开 首先介绍下个台式手卷先, 喺台湾都好似冇乜见过咁嘅嘢, 原来佢表皮系好似手抓饼咁, 味道香脆, 值得一赞嘅就系佢一啲都唔厚, 唔会令人觉得咬咗厚厚嘅面粉咁又干又滞, 里面有黑色同红色嘅台湾肠, 两只都好好味, 份量啱啱好, 配搭住小小生菜, 青瓜同小黄瓜, 又清新又酸酸的, 又开胃又好味, 以女孩子嘅正常食量, 成份食哂都觉得饱lu。 跟住就轮到个凤尾虾网米春卷啦, 真系一流, 网米超薄, 炸到香香脆脆的, 值得一试。而最后嘅甜品: 伯爵奶茶慕丝蛋糕好有惊喜, 望落去以为甜爷爷, 其实佢有淡淡嘅伯爵茶香, 配搭住小小甜度嘅慕丝, 层次分明, 仲有小小好似马卡龙嘅小脆饼, 一样好好食 真系好满足期待第四次再会。