炎天丼 (已結業)

琴晚突然好想食炎天丼，今日返半日，收工即刻搭车过去食个lunch! 自从误打误撞黎左呢间食过一次之后就返唔到转头。今日第三次来，上两次系叫海鲜天丼，今日餐牌都冇点睇就直接照旧海鲜天丼😂 其实除左丼，仲有咖喱饭，不过丼实在太好食🤤话说佢地庆祝三周年，所有lunch套餐都减10蚊呀。本身已经唔贵，再减10蚊真系唔食对唔住自已~先黎碗面豉汤，味道啖啖地，不过用黎暖胃准备食丼都唔错~ 海鲜天丼份量好足，有好多𩠌，有菜心苗、莲藕、茄子、流心蛋、鱿鱼、蟹棒同虾。店员劲细心会建议你食菜同虾先，因为好快淋就冇咁好味。天妇罗既粉好少，完全唔会觉得食炸粉多过啲主角，仲要唔觉得油腻! 块菜叶脆卜卜好正，仲有唔少得个流心蛋，啲黄流出黎个真系下好满足😍 食过呢间真系返唔到转头，下次会再黎唔睇餐牌直接落单!