影片
更多
2014-03-27
3406 浏览
今次系第二次帮趁呢一间位于湾仔一栋商业大厦入便既中东小馆 - OH FOOD清真阿拉拍料理，虽然佢位置隐蔽、同埋座位唔多，但系胜在菜式有特色、同埋食物既质素令老婆同我都好满意。佢地serve既系清真食品，意思系伊斯兰教(本地人又称回教)所认可既食物。我地o系一个星期日既夜晚7点上到去，餐厅得6、7个客人到，我地坐既窗口位有开扬景观、可以腑视修顿球场同埋轩尼诗道一带。中东人伙记以友善既态度招呼我地，我地经过佢既推介之后叫左一个二人餐、另加一度主菜，菜式包括有: 番茜沙律、炸豆丸、扁豆汤、薯仔羊肉片同埋三文鱼扒。首先系番茜沙律，番茜系平时去西餐厅食饭、d厨师放o系食物上面做装饰o个d细细棵既绿色叶，o系呢度佢地就将番茜切到好细好碎，再加入左番茄同埋细细既燕麦粒，做成一个好fresh既沙律，食落去可以感受到番茜既新鲜同埋番茄既自然鲜甜味，非常开胃。跟住既炸豆丸系由鸡心豆以及香料及芝麻所制成，六粒胀卜卜既豆丸炸得金黄香脆，面头淋上左特色既芝麻酱汁，味道好浓郁，可以感受到佢地以好多不同既材料混和制成豆丸。再黎就系扁豆汤，虽然呢个系素菜汤，但系口感比较浓厚、味道带点甘甜、相当具特色。而且好饱肚，建
我地o系一个星期日既夜晚7点上到去，餐厅得6、7个客人到，我地坐既窗口位有开扬景观、可以腑视修顿球场同埋轩尼诗道一带。中东人伙记以友善既态度招呼我地，我地经过佢既推介之后叫左一个二人餐、另加一度主菜，菜式包括有: 番茜沙律、炸豆丸、扁豆汤、薯仔羊肉片同埋三文鱼扒。
首先系番茜沙律，番茜系平时去西餐厅食饭、d厨师放o系食物上面做装饰o个d细细棵既绿色叶，o系呢度佢地就将番茜切到好细好碎，再加入左番茄同埋细细既燕麦粒，做成一个好fresh既沙律，食落去可以感受到番茜既新鲜同埋番茄既自然鲜甜味，非常开胃。
跟住既炸豆丸系由鸡心豆以及香料及芝麻所制成，六粒胀卜卜既豆丸炸得金黄香脆，面头淋上左特色既芝麻酱汁，味道好浓郁，可以感受到佢地以好多不同既材料混和制成豆丸。
再黎就系扁豆汤，虽然呢个系素菜汤，但系口感比较浓厚、味道带点甘甜、相当具特色。而且好饱肚，建议两个人share一碗。
主菜方面首先系薯仔羊肉，羊肉切成稍为厚身的条状、加入中东香料腌制、味道带有点酸甜、与羊肉本身的肉味颇为配合、而且完全没有"稣"味，令我太太赞不绝口。同羊肉一齐炒有薯仔片，同埋以茄酱"箭"底，配以阿拉伯饭，阿拉伯饭系以香料煮成既淡黄色味饭，味道算温和易入口，而且食完唔会口渴，相信冇落味精。
最系既系属于餐牌上面"招牌菜"之一既三文鱼扒，鱼扒份量不错，表面煎得金黄，里面亦唔会干身，火喉控制得好好，味道简单直接，可以清楚品尝到鱼本身既味道，不会被腌料抢走其原味。配菜有煮杂菜，菜煮得比较淋，不过酱汁都算讨好，菜亦入味。
总括黎讲我同老婆都好满意呢餐，食品有特色之余亦都好味，份量够价钱亦唔贵，虽然餐厅比较细、装修简单、但胜在有种家庭餐厅既感觉，呢一餐食得舒服、好味同埋唔血赤。
张贴