Lockeroom Dining (朗晴坊) (已結業)

本身谂住唔再帮衬呢间餐厅，因为上次佢话有折但最后个侍应话套餐已经系优惠唔可以用，我觉得有问题，再睇优惠条款都觉得有问题，于是喺餐厅度留左个食评，不过留完无几耐，呢间餐厅个老细主动揾返我，除左解释返系兼职员工理解错左个优惠，亦好有诚意咁表达左歉意，仲愿意畀返个折嘅差额，以及请返我食一餐，于是我呢一日再去见一见老细。佢中间有过嚟打招呼，亦有畀返钱我，系非常之有礼貌。而我今次再试佢厨房嘅野食，仍然系出色。佢个黑毛猪煎得外脆内软，好有肉汁，调味刚好，朋友食嘅牛肉鹅肝亦非常香甜，当然你唔可以谂二百几蚊食到好高级嘅货色，但原材料不错而煮得有心机，已经超越唔少懒高级嘅餐厅，今次再食返佢个心太软，依然高水准，加埋一块即溶嘅脆朱令口感更佳。最难食系个甘笋汤，不过上次个汤系好食既。我唔算写好多食评，但我觉得呢间店有心做，有错即刻去改善同补救，而且食物味道好好，员工亦有礼。我相信我会介绍朋友光顾，亦推介大家来支持下享受下。