影片
更多
2017-04-07
287 浏览
班马骝游完水个个好似饿鬼，上次同肥髀食过呢间日本餐厅，佢仲念念不忘，顺便再带妈咪来食，去到无订枱都ok，地方几大，座椅唔迫，浅木加枣红色梳化，光猛干净，坐低大家点自己喜欢嘅食物茶：够热几香！面豉汤：够热唔会好咸，系厨房自煮嘅（即食冲汤系饮得出）加啲葱同豆腐海带！两样都好滑！日本风味！弘丼浅草（$108）妈咪食，啲鱼生片好似掠衫咁挂满个碗边！堆满个碗！好夸张！好靓！妈咪大赞呢度嘅鱼生新鲜！香葱伴蓝鳍吞拿鱼腩蓉海胆三文鱼籽温泉蛋（$128）个名长到癫，卖相好靓，好多吞拿鱼腩蓉，打得嫩滑，好肥美好鲜，青葱只有好少（因为太鲜味，一啲都唔使葱去癖味）三文鱼子好似宝石胀卜卜，咸香好味，温泉蛋嫩滑（比肥髀𢳂咗大半走）海胆一块好鲜嫩，味道甘香，好浓嘅海胆甘味！正！白饭唔会好多，松软刚好捞晒啲𩠌！二段丼（$158）（三文鱼、蓝鳍吞拿鱼赤身、赤虾、油甘鱼、蟹籽、蟹肉、海胆、三文鱼子、蛋、青瓜）肥髀坚持再叫！赤卖相好靓，鱼生真正新鲜，全部厚切，解冻刚好，嫩滑又唔腥，鱼味好新鲜，连平时唔食白身鱼嘅肥髀都食晒（佢仲好奇问我系乜鱼，话好好味）我食咗大大只嘅赤虾，好嫩好鲜，下层嘅饭好靓，中央挖洞藏咗块新鲜海胆，好鲜
茶：够热几香！面豉汤：够热唔会好咸，系厨房自煮嘅（即食冲汤系饮得出）加啲葱同豆腐海带！两样都好滑！日本风味！
9 浏览
0 赞好
0 留言
10 浏览
0 赞好
0 留言
6 浏览
0 赞好
0 留言
10 浏览
0 赞好
0 留言
4 浏览
0 赞好
0 留言
盐烧牛脷串（$38）牛脷串一串三块，牛脷好厚身，又唔韧，好肥美，洒咗少少盐吊味，刚刚好！
烧宫崎蕃薯仔（$28）我以为系榄核形嘅蕃薯仔，点知系切件嘅薯块，外面烧到干身，入面薯仔无渣，味道好甜（天然甜）好味！
3 浏览
0 赞好
0 留言
3 浏览
0 赞好
0 留言
1 浏览
0 赞好
0 留言
巨峰梳打（$38）姨甥饮
菠萝乳酸梳打（$38）肥髀饮，我饮咗一啖，菠萝味道唔假（实在饮过太多药水饮料）梳打唔算多气泡，味道微甜！好味！
夕张蜜瓜乳酸梳打（$38）姨甥饮
岩盐柠檬酒（$78）店员推荐，比想像中大杯，粉黄色嘅酒，饮落先系清爽嘅柠檬味，再在舌头上感受到淡淡嘅盐味散开！好清爽嘅感觉，第一次饮咸嘅酒！感觉几好！
鱼生鲜到唔使点点芥辣（点咗浪费咗啲鱼生）芥辣都系靓啲嘅粒粒芥辣，子姜好嫩无渣，微酸开胃！
喜欢呢度嘅店员有礼斯文有笑容，仲好包容，旁边食客打泻豉油，佢哋极速处理，又无黑面，而且又比到意见，好似我想试酒，女店员又熟又推荐啱我嘅酒！态度仲要亲切，唔会因为你唔识而「喵」你（实在有啲专业范畴客人唔识但又想试）来呢度嘅感觉好舒服！
食物好食，服务又好！值得我encore!
张贴
