馬六

营业中

休息中

马六经开去荃湾千色汇再次食呢间新加坡餐厅叫「马六」，今次系我第二次回访荃湾分店嘅「马六」，一入到去餐厅好多人帮衬，下午茶套餐价钱非常抵食，经过荃湾嘅你不妨入去试下啦！1.娘惹烧鸭喇沙掺掺$48+桔仔话梅水$3（9.5/10）呢碗娘惹烧鸭喇沙掺掺真系不得了，烧鸭份量劲多，我估计起码有半只烧鸭，切开鸭件最少大约10旧，每一件鸭嘅肉质唔会好硬，烧到好香，其他配料有4条豆角同3旧豆卜，必叫之选！饮品拣咗桔仔话梅水，套餐只系需要加$3，饮落唔会太酸，话梅味都几重，好香好好饮！2.马六无骨海南鸡饭$65+椰子班兰冰$8（9/10）呢个系佢哋招牌菜「无骨海南鸡饭」，见到餐牌话无骨，点知一食食到三旧小骨，叫经理嚟睇下小骨，经理就入咗厨房同切鸡嘅同事讲要小心，经理即刻同我讲唔好意思，态度非常好！讲返无骨海南鸡，海南鸡肉质非常嫩滑，除咗三旧小骨之外，讲真真系好好食！饮品拣咗椰子斑兰冰，套餐只系需要加$8，呢杯饮到好香嘅椰汁味，又唔会好甜，唔错！3.娘惹炸鲜奶（2件）$16（10/10）呢2件娘惹炸鲜奶好味过上一次嚟食，咬落真系食到鲜奶嘅香味，入面真系热辣辣，外面又好香脆，必叫之选！4.马拉盏通菜$22（9