上州一頭和牛燒肉 (已結業)

第一次食“水煎锅”一次过有3种食法, 餐厅员工教我地先把食材放进外围汤中煮几秒, 之后放上中央铁板上煎, 相对食材无咁容易煎干, 呢个方法非常适合鸡肉及猪肉, 因为呢2款必须全熟。蔬菜可放汤中煮耐少少, 再放上中央, 咁就无咁易㶶/干。或只放汤中煮熟即可。牛肉因可以不用全熟, 所以我个人都系喜欢直接放中央, 快手煎2边就食。同行朋友就觉得先放汤中再煎真系会有汤既咪道, 而且相对无咁干。**泡菜汤略为淡**见咁多肉就另加一个沙律, 价钱, 份量都OK。小插曲 : 错有错著, 经openrice 订位, 唔觉意按错用左优惠价订刺身拼盘($98, 原价好似要2百几), 其实去到既时间,餐厅员工有再三同我确认系咪订左, 如系按错, 佢话可以帮我取消, 同行朋友话既然订咪试下, 份量, 种类都好OK, 值得一试。唔记得影相。原来影漏左2杯果茶, 真系觉得几好, 唔想饮酒又唔想饮有汽既饮品, 呢个系一个好选择, 少少酸, 解油腻感又开胃。另加牛舌, 我同朋友必食之选, 去任何一间串烧/烧烤店都系必点, 今次点左厚切, 系属于爽口有咬口果款, 所以好OK。