8鍋臭臭鍋 (金巴利道) (已結業)

终于等到星期一去食，芝士牛奶锅做每日精选，好急不及待咁试。奶白色嘅汤底，但闻落去冇阵阵牛奶味。饮落牛奶味都唔太浓。芝士味就只靠片芝士，所以芝士味系零嘅。上菜时芝士已经半溶系d娃娃菜上。锅料好丰富，包括娃娃菜、海量嘅白豚肉、心型鱼豆腐、台式贡丸、麻吉烧、沙白、香菇、蟹柳、金针菇、炸枝竹、鸣门卷、鸡蛋、乌冬、芝士片、蛋饺。配料比臭臭锅普通，比较特别系蛋饺。蛋饺浸系淡牛奶味嘅汤，配搭几好。乌冬系预先放咗落个汤到，吸咗啲汤，但同时亦过软。饭方面，上次食完先知有人推介卤肉饭，所以今次特登加$7试。唔知系唔系错觉，总系觉得卤肉饭望落去比一般饭大碗。卤肉饭入味，个人觉得有少少重口味。所用嘅肉都比较肥。味道唔错，但食得多会腻。另外我觉得唔系好配牛奶汤，因为会盖晒汤嘅味。睇黎牛奶汤都系适合配白饭。总括而言，性价比都系超高。虽然冇第一次嚟咁惊艳，但如果要黎第三次我都愿意。下次目标：咖哩奶盖锅！