影片
更多
2015-06-19
1344 浏览
话说当日系打算去维园花展影相，而当日系星期日，行到去大杭正值好多食店都闩咗门。咁我上完Openrice就决定转战天后，嚟到呢间Texas Burger。 其实睇食评都有人话好多人食，而我去之前亦有心理准备可能好迫，甚至要排队。但系当我一推开门 — 咦，得三两枱客嘅！𠮶排可能运气真系好好，连出名排好耐队嘅一兰都系食到成间房得我一个。其实我入到去就发现到一大缺点，就系要行出收银枱先点到嘢食！我一个人一坐低就苦恼紧究竟应唔应该拎埋个背囊出去点餐……唔拎嘅话可能会畀人偷，拎嘅话又怕有人霸咗我位……左思右想后，后尾见到间舖唔多人就都系决定唔攞袋出去买。 今次参考咗食家推介，嗌咗德州烧烤汉堡、蓝蟹肉烟肉白汁意粉同埋 Tropical Forest Milkshake。个汉堡好厚，连M记个Mega Mac 我都可以一啖咬到但呢个真系唔得。𠮶块6oz汉堡扒亦都十分之Juicy，配埋啲好粗嘅薯条真系无得弹！而佢杯Tropical Forest Milkshake亦都十分之清新，亦都可以消咗汉堡同薯条𠮶种油腻感。 其后再食埋呢个意粉，开头睇样就觉得主要系白汁，无乜
其实睇食评都有人话好多人食，而我去之前亦有心理准备可能好迫，甚至要排队。但系当我一推开门 — 咦，得三两枱客嘅！𠮶排可能运气真系好好，连出名排好耐队嘅一兰都系食到成间房得我一个。其实我入到去就发现到一大缺点，就系要行出收银枱先点到嘢食！我一个人一坐低就苦恼紧究竟应唔应该拎埋个背囊出去点餐……唔拎嘅话可能会畀人偷，拎嘅话又怕有人霸咗我位……左思右想后，后尾见到间舖唔多人就都系决定唔攞袋出去买。
今次参考咗食家推介，嗌咗德州烧烤汉堡、蓝蟹肉烟肉白汁意粉同埋 Tropical Forest Milkshake。个汉堡好厚，连M记个Mega Mac 我都可以一啖咬到但呢个真系唔得。𠮶块6oz汉堡扒亦都十分之Juicy，配埋啲好粗嘅薯条真系无得弹！而佢杯Tropical Forest Milkshake亦都十分之清新，亦都可以消咗汉堡同薯条𠮶种油腻感。
其后再食埋呢个意粉，开头睇样就觉得主要系白汁，无乜蟹肉 ，但试完第一啖，真系不得了！因为我成个口都系蟹肉味！𠮶一瞬间真系好感动！
第一次远离连锁快餐嘅感觉真系十分好可惜离我太远同埋食一餐都几「乸脷」吓，所以有起瘾上嚟都系去返M字头或B字头餐厅呢间如果大半年去到一次已经好满足了
张贴
