小白鷺餐廳 (已結業)

今次系第二次写食评丫，今日去左大埔小白鹭餐厅，其实以前都想去，但系因为太远，所以无去到；而家有车，所以先想去试一试。餐厅11月头先装修完，环境唔错。讲返野食先，今日专程去食午餐，叫咗一个软壳蟹南瓜意大利饭和天使红虾墨鱼意大利面。先讲个饭先，原只软壳蟹两只，够哂诚意，饭既份量有点少，但胜在味道好，南瓜饭中间竟然有用少少芝士增加口感，个人认为好食。另外个意大利面用六只红虾加墨鱼汁面配搭而成，略带微辣，面条用牛油煮，但煮得太耐散晒，浪费咗。顺道一提，个餐汤都有水准，系南瓜蓉忌廉汤加上几滴橄榄油，个汤够浓，有口感。