榕記車仔麵 (已結業)

是日一行二人黎呢到食lunch，去到都几多人，但都有一两张吉枱，所以唔洗等直接入得。今次坐入啲既位先望到原来有单车吊系墙身。睇完餐牌，因为上次点左麻辣汤，于是今次试上次试唔到既金虫草野菌养生汤，朋友点左麻辣汤，再叫多份酱汁鱿鱼黎share。先讲果小食酱汁鱿鱼(辣)，叫左碗既份量，早知叫碟啦，估唔到甘好食。啲鱿鱼好爽，又唔会有简水味，果汁好惹味，少少辣，啲鱿鱼好入味，好食。到朋友果麻辣汤三𩠌面(中辣)，因为我上次食过，佢啲辣系慢慢渗出黎，越食越辣，辣得过瘾。到我想试好耐既金虫草野菌养生汤三𩠌面，果然冇令我失望，果汤好清甜，感觉好补甘，有啲金虫草同菌丝，仲有一大旧红萝卜伴埋系汤到，𩠌我叫左墨丸牛丸同牛腩，三样𩠌都系正常好味。整体黎讲，已经第二次食，汤既质素真系好得，好过出边啲味精车仔面，食完绝对会再返转头再食。服务正常，店员都系反应快果类。