金鶴拉麵 (荷李活道) (已結業)

呢间拉面店第二次食，之前食过佢个鸡白汤拉面，觉得唔错所以又encore！😋❣️极浓鸡白汤拉面$138今次试新嘢，想食啲浓味点嘅汤底，所以今次拣咗极浓鸡白汤拉面🍜今次汤底质地非常creamy，直程有少少似𠮶啲忌廉汤咁样，饮落会有饱腹感，味道好浓郁，但系完全唔系味精嘅感觉 ！😋感觉啱啱好！我自己比较重口味，对比起普通鸡白汤拉面，我会钟意极浓多啲🥰除咗汤底，其他配料同普通鸡白汤拉面差不多，冇乜分别。配菜部份-我几钟意佢个炸牛蒡，脆卜卜而且份量好多👍🏻肉嘅部份普通鸡白汤份量一样质素一样。不过佢糖心蛋就麻麻哋，食落唔系个啲好浓郁好甜既溏心蛋，调味唔多。另外餐厅系有加一，加一后$150左右相对就冇普通鸡汤拉面咁抵食。