正品蕃茄湯麵店 (已結業)

呢间舖头其实好耐之前已经嚟过，但之后因为太多更好食嘅嘢所以都冇嚟一排啦，唔嚟一排质素系差咗少少嘅，不过都系平民好食之选。呢间舖头最重点嘅系佢𠮶个蕃茄面，首先有蕃茄蓉、蛋花、肉碎汤底，入边个面底都系淡淡粉红色，系由蕃茄所制成。你话好唔好食，又未去到超级好食，但系如果你钟意蕃茄嘅，咁呢间舖头呢就一定要嚟试吓。整体来讲都得过且过啦，蕃茄汤底仍然系重点。蚝油生菜几好食，可能因为有啲蚝油嘅关系。炸鸡扒冇乜味，不过都揸得几酥几香口。炸云吞呢都系推介，因为佢入边呢应该系鱼滑定系虾滑嘅物体，有啲新鲜感嘅。