梧桐館

营业中

休息中

水上人执笠之后，西环尾只系得返南记依啲连锁店，睇网上知道西环尾有间出名嘅粉面店，所以上年十一月夜晚第一次来试食，叫咗碗紫菜四宝河，墨鱼丸同贡丸都有惊喜，同平时食开𠮶啲真系有分别，你食过一次就会明白。隔离𠮶位大叔叫咗碟鹅肠捞，我唔系咁识得欣赏内脏，但见到佢食得咁滋味，我谂有机会我都会食一次。今日来食下午茶，再上OpenRice睇食评见到有唔少差评，主要系讲冇服务，我今日一坐低楼面立即递杯水俾我，令我大感诧异，可能系前人feng得佢多，间店舖有所改善，收银阿姐都有讲多谢，希望keep到服务水准。今次食碗牛腩面，其实都几冒险，因为碱水做得唔好就好大浸味，我平时一定会叫牛腩河。除咗第一啖闻到有碱水之后食落去，面身好脆同冇碱水味，牛筋多个牛腩，牛筋系一整条脆的，牛腩份量就比较少同鞋冇乜特别，整体而言成碗面份量都算少。西环街坊来讲都可以食多次。两次来食都觉得啲食客好似都系喺区外人入嚟食，冇乜后生仔。当系支持吓啲传统食物，唔想日日食米线，又食唔惯啲螺丝粉。食完都有少少口渴，返屋企前买咗杯饮品。