滿東冰室

营业中

休息中

上个月黎食特餐，想写文点知open rice无呢间野，唯有自己整方便东涌居民，上次入门口即时有个男人好主动问几位，反应好快，唔知系咪老板，对此我几满意个服务，但有小插曲就系餐饮转热柠蜜加左我十几蚊，问后原来楼面唔熟计法，虚惊一场，埋单时比左好多散银，无咋型唔错。但上次食果个猪扒出前一丁面，唔知点解个面好淡（系加钱转左丁面）另个猪扒有少许松肉粉味咁太薄。言归正转今次带老公黎食，系因为老公未食过，今次叫左猪颈肉嗽沙米线，喇沙汤好香，椒盐猪扒饭个汁好惹味，访问我老公佢话饭太软如可加甜豉油更好，整体我觉得好食过世窗同大少，但价钱就肯定贵果两间十蚊左右，不过我喜欢呢度员工多少少，补充今日都有小插曲，就系漏比个汤，我老公问侍应，侍应回覆跟餐先有，我老公话我呢个咪餐啰😂真心觉得员工唔熟运作，今次再补上menu，但要等open rice批，希望帮到大家。（唔明点解个老板都唔将自己间餐厅加上open rice)莫非惊差评🤣