影片
更多
2019-09-08
1264 浏览
呢日带个朋友嚟美居食米线，Lunch time居然爆哂场要等位，不过原来除咗向街间主舖外，餐厅喺屋苑入面都租多个隔离舖位，可以坐多一倍客👍🏻，所以都系10分钟到就能入座。而家餐厅推用QR code📱自助落单，都方便嘅，有得check单又唔使惊店员落错，仲悭返好多点餐纸。但如果老一辈呢就未必咁方便喇，店员会叫你自己落单先，到真系唔得先帮你打单😂。我哋首先一人一碗米线，由于之前食过佢个麻椒辣系几正，BB辣嘅我叫咗最小辣🌶，佢只辣劲啱我，因为满足到想食小小辣但又顶唔顺太辣嘅欲望。佢只微辣偏麻加上系渗透喺个汤底到🤤，唔系平日见到辣椒或者好红色果种，唔太油，不过有少少咸，但唔大影响。米线方面(佢只卖米线一种面)，佢有得比你拣淋啲定硬啲，我普通就OK喇，而且呢到嘅米线比出面幼身少少同弹牙🤩，食到尾都无发胀。另外，我只系叫咗啱哂索汤嘅面筋做𩠌，因为嗌咗小食。面筋有好多嚿(~10)，抵食呀👍🏻。我朋友唔食辣，所以叫咗🐔鸡汤米线，其实呢个汤都好好味，味够浓，又系喺第间米线舖食唔到嘅味。讲返米线，每碗都有芽菜、韭菜同菜脯粒，如果唔钟意就记住走咗去喇！价钱方面，鸡汤就$33、麻椒辣就$35，两样都系包一款$
呢日带个朋友嚟美居食米线，Lunch time居然爆哂场要等位，不过原来除咗向街间主舖外，餐厅喺屋苑入面都租多个隔离舖位，可以坐多一倍客👍🏻，所以都系10分钟到就能入座。
而家餐厅推用QR code📱自助落单，都方便嘅，有得check单又唔使惊店员落错，仲悭返好多点餐纸。但如果老一辈呢就未必咁方便喇，店员会叫你自己落单先，到真系唔得先帮你打单😂。
麻椒米线
$35
92 浏览
0 赞好
0 留言
我哋首先一人一碗米线，由于之前食过佢个麻椒辣系几正，BB辣嘅我叫咗最小辣🌶，佢只辣劲啱我，因为满足到想食小小辣但又顶唔顺太辣嘅欲望。佢只微辣偏麻加上系渗透喺个汤底到🤤，唔系平日见到辣椒或者好红色果种，唔太油，不过有少少咸，但唔大影响。米线方面(佢只卖米线一种面)，佢有得比你拣淋啲定硬啲，我普通就OK喇，而且呢到嘅米线比出面幼身少少同弹牙🤩，食到尾都无发胀。另外，我只系叫咗啱哂索汤嘅面筋做𩠌，因为嗌咗小食。面筋有好多嚿(~10)，抵食呀👍🏻。
鸡汤米线
$33
61 浏览
0 赞好
0 留言
我朋友唔食辣，所以叫咗🐔鸡汤米线，其实呢个汤都好好味，味够浓，又系喺第间米线舖食唔到嘅味。讲返米线，每碗都有芽菜、韭菜同菜脯粒，如果唔钟意就记住走咗去喇！价钱方面，鸡汤就$33、麻椒辣就$35，两样都系包一款$6𩠌，如果叫$8果啲𩠌就补差价$2。我朋友叫咗猪软骨同墨丸做𩠌就即系Total加了$10，价钱有啲贵啰💸，因为等如一碗两𩠌米线都可能成$50，墨丸又得3粒。
烤烧三宝
$59
61 浏览
1 赞好
0 留言
Btw胃食嘅我哋一人一碗米线又点够，所以叫咗小食，其实一啲都唔小XD。我哋要咗一份烤烧三并($59)，即系有猪颈肉、鸡翼同猪扒🐷。呢样系即烤，所以真系等咗15分钟先有得食。一嚟到发现实物同图系一样㗎😍，劲大份劲吸引，猪颈肉同猪扒每人每样食到成4,5嚿，鸡翼就total得2只。三样入面最好食系猪颈肉，烤到劲香劲脆，真系BBQ果只味，蜜汁甜甜蜜蜜🥰，劲正。另外，猪扒好大块，而且好入味，虽然只味同猪颈肉有啲似，不过无咁甜，同样非常惹味😋。蜜糖鸡翼就最一般，称唔上好食，所以完完全全被比下去。
总括嚟讲，呢间米线舖真系完胜哂其他连锁舖，无论汤底同米线本身都系，但啲𩠌就无乜特别同唔抵。不过烧烤小食就另计🤤，猪颈肉真系必食推介，猪扒就第二。虽然唔平，但佢份量都大，2-4人share嚟食都ok，摊分返无咁贵。题外话，饮品要另加钱，但价钱合理，樽装可乐都系$7，我觉得一定要嗌嚟解下，因为食完觉得系好好食，但都有啲重口味🙈。今日堂食完有外卖优惠，所以我短期内会再encore‼️
张贴
