影片
更多
2024-10-29
1061 浏览
🥩呢间于70年代开业嘅港式扒房，曾经传闻其实佢叫“茅屋”，但因为招牌字体太潦草，所以先被睇成第尾。近五十年来，餐厅都冇正式澄清过以上嘅传闻，直到近年，新一代先喺IG正式解开呢个谜团。详情可见IG撷图。上菜好快🤵🏻伙记有啲澳牛feel，超有效率又不失礼貌仲好细心，会专登搬张櫈畀我哋摆袋，见我哋有放西装褛，仲主动攞块格仔枱布畀我哋冚住件褛，呢样真系酒店级。（不过都因为呢度地方比较浅窄，其实都系自保方法之一）好有香港精神。喜出望外，比预期中好味，我觉得系我食过同类旧港式扒房餐厅中最优。🥣红白汤都好浓郁，白汤有粟米粒🌽唔会太杰太开粉feel。小餐包就系嘉顿交嚟嘅，室温，牛油系独立包装嘅纽西兰安佳牛油🧈。晚餐$100左右铁板扒餐牛扒可选熟度，酱汁可选黑椒汁或蒜蓉汁。上枱时酱汁已淋在铁板上，不过因为上菜快，上到枱依然“炸炸”声，同样享受到食铁板餐最重要嘅仪式感。牛扒牛质软冧，又唔会觉得太松肉粉，有肉味味道当然同贵价扒房冇得比，但两者属两款完全唔同属性嘅味道追求，真系冇得比较，食得港式扒房就唔好要求食到英式扒房嘅味道，一分钱一分货，千其唔好期望蔗渣嘅价钱可以买到烧鹅嘅味道，咁你呢餐就会食得几开心。留
近五十年来，餐厅都冇正式澄清过以上嘅传闻，直到近年，新一代先喺IG正式解开呢个谜团。
详情可见IG撷图。
上菜好快🤵🏻伙记有啲澳牛feel，超有效率又不失礼貌仲好细心，会专登搬张櫈畀我哋摆袋，见我哋有放西装褛，仲主动攞块格仔枱布畀我哋冚住件褛，呢样真系酒店级。（不过都因为呢度地方比较浅窄，其实都系自保方法之一）好有香港精神。
喜出望外，比预期中好味，我觉得系我食过同类旧港式扒房餐厅中最优。
🥣红白汤都好浓郁，白汤有粟米粒🌽唔会太杰太开粉feel。小餐包就系嘉顿交嚟嘅，室温，牛油系独立包装嘅纽西兰安佳牛油🧈。
晚餐$100左右
铁板扒餐牛扒可选熟度，酱汁可选黑椒汁或蒜蓉汁。上枱时酱汁已淋在铁板上，不过因为上菜快，上到枱依然“炸炸”声，同样享受到食铁板餐最重要嘅仪式感。
牛扒牛质软冧，又唔会觉得太松肉粉，有肉味
味道当然同贵价扒房冇得比，但两者属两款完全唔同属性嘅味道追求，真系冇得比较，食得港式扒房就唔好要求食到英式扒房嘅味道，一分钱一分货，千其唔好期望蔗渣嘅价钱可以买到烧鹅嘅味道，咁你呢餐就会食得几开心。
留意只收现金。
张贴
