龍點心 (Eastcore)

营业中

休息中

最近留意到呢间点心几盏鬼，装修好靓，又有自己设计d卡通公仔。睇佢餐牌有好多「鬼马」点心，好多都走非传统路线，有好多创意同特别嘅食材加入点心。🤪📌一龙大满足好适合贪心嘅人，因为可以一次过试到6款唔同点心；打卡亦都好靓😍惊喜Top3:🤏🏼 蟹粉菠菜香虾饺有少少麻辣味同埋蟹粉，几香口；口感丰富，有菠菜同弹牙嘅虾粒！🤏🏼咸蛋黄墨鱼烧卖当左普通烧卖，一嘢咬咗落去，爆到成台都系汁，墨鱼胶口感弹牙！🤏🏼酸菜鱼凤眼饺口感丰富，入面有好多鱼肉，三文鱼子爆开咗之后，鲜味混合鱼肉，几夹！其余三款嘅惊喜，等大家自己发掘下！😉📌脆脆富贵红米肠粉必点‼️外面软滑，里面嘅炸虾爽口、多汁，炸粉薄脆，口感丰富🥰有配三款酱：豉油、泰式辣酱同麻酱🫴🏻豉油就可以俾多少少咸味，平衡一下沙律酱嘅甜味👽🫴🏻泰式辣酱就俾到更野味，少少刺激嘅感觉👹食食下，侍应俾多咗个千岛酱，又真系唔错，酸酸甜甜，比麻酱开胃😀📌普通担担面（辣）微辣，汤底浓淡适中、重花生味；面底烟韧，有咬口、唔会过硬🤩做到咁，已经唔算普通了🫡📌菊普清香而不涩，不错！