影片
更多
2011-08-31
21 浏览
再唻开咗刚２年的川烧食晚饭，第一次唻系同好友庆祝生日嘅，今次第２次再唻同样都系为好朋友庆祝生日而食，只系人物唔同啫。又一年了，其实时间真的唔算过得很快，有时更会觉得日子过得很慢添，只系每到生日前席要谂去边到食、食乜野面伤脑筋嘅时候，就会觉得时间过得真系好快，咁又一年喇！！我地１９４５去到，因为冇订位，所以同上次一样只有门口高枱同门口侧的枱可拣，咁我地都系拣咗高位，起码睇住佢地烧而唔系面向门口先啦。拣乜野食物当然由寿星仔负责啦，不过我明知佢一定拣哂我会食嘅野，所以我都预先话佢知有Ｄ乜野佢会钟意食我唔食而又好食嘅，例如羊仔架喇。我就一路影相一路望住佢拣野食，得闲又比吓意见咁，Click好要嘅野就交畀店员，店员都有介绍一些时货海鲜，不过当时我地已经拣咗１３款食物喇，所以都话唔使咯，直到有４款食物上枱后觉得份量(Size)比我上次帮衬细咗，怕会唔够食，又见到好多人都叫烧鱼㖞，一问之下知道有３种鱼拣：大眼鸡、马友与未听过的ＸＸ，好啦，好似好正我地又未食过㖞，就叫一条啦，但系未食都已经唔记得系叫乜野名喇....哈哈哈哈。以下就系我地当晚顺序上枱嘅食物：０１）烧八爪鱼须 ($14)﹣比上次食的细条但
又一年了，其实时间真的唔算过得很快，有时更会觉得日子过得很慢添，只系每到生日前席要谂去边到食、食乜野面伤脑筋嘅时候，就会觉得时间过得真系好快，咁又一年喇！！
我地１９４５去到，因为冇订位，所以同上次一样只有门口高枱同门口侧的枱可拣，咁我地都系拣咗高位，起码睇住佢地烧而唔系面向门口先啦。
拣乜野食物当然由寿星仔负责啦，不过我明知佢一定拣哂我会食嘅野，所以我都预先话佢知有Ｄ乜野佢会钟意食我唔食而又好食嘅，例如羊仔架喇。
我就一路影相一路望住佢拣野食，得闲又比吓意见咁，Click好要嘅野就交畀店员，店员都有介绍一些时货海鲜，不过当时我地已经拣咗１３款食物喇，所以都话唔使咯，直到有４款食物上枱后觉得份量(Size)比我上次帮衬细咗，怕会唔够食，又见到好多人都叫烧鱼㖞，一问之下知道有３种鱼拣：大眼鸡、马友与未听过的ＸＸ，好啦，好似好正我地又未食过㖞，就叫一条啦，但系未食都已经唔记得系叫乜野名喇....哈哈哈哈。
以下就系我地当晚顺序上枱嘅食物：
０１）烧八爪鱼须 ($14)﹣比上次食的细条但分量多Ｄ，烧汁都几好，唔太韧，尾段更有少少㶶，正。
０２）冷豆腐泡菜 ($26)﹣普通。即系百福豆腐加泡菜 ，但浸住冷豆腐的汁就几好味。
０３）烧蒜头 ($12 x 2)﹣烧得刚刚好，唔干，如果可以多一点㶶就好喇。０４）烧京葱 ($12)﹣有少少㶶有少少脆，好！
０５）烧韭菜 ($12)﹣油咗少少，好似韧咗Ｄ，有Ｄ难𡁻。
０６）烧香甜厚烧玉子 ($12)﹣好干！好㶶！好实，唔惦！
０７）烧鸡软骨 ($14)﹣冇上次食的咁油腻，少少干但好有咬口。
０８）烧墨鱼咀 ($14)﹣唔....一Ｄ都唔似墨鱼咀，好实，反而呢个更似鸡软骨。
０９）烧原个开边蕃茄 ($12 x 2)﹣同上次一样咁好食咁Juice，好好味。
１０）烧原条生烧粟米 ($20)﹣本身唔太钟意食粟米，未起肉的更唔钟意食添，不过寿星好钟意食的，所以我都有食，点知原来烧粟米系咁正㖞，以为会好干，结果原来好Juice，好惦！！
１１）烧羊仔架 (2件) ($46／份)﹣睇寿星食得津津有味，应该系好好食喇o卦！
１２）烧通菜 ($12)﹣比上次食更油腻，分量也少了，仲要样衰Ｄ添，虽然只是第２次食，但今次真系好麻麻喇。
１３）烧原条鱼 ($128／时价)﹣正！！Very Very Good！！虽然唔知系乜野鱼，不过系系我面前睇佢烧，食落有鱼味又唔油唔干，好正呀！！
１４）烧鸡肾 ($24)﹣o矣.....干过我荷包，细过５毫子，超贵唔好食，冇肾味呀。本来系叫鸡肝，但卖哂，再叫鸡心又卖哂，早知个天唔想我食鸡内脏就唔叫啦。见到呢串鸡肾真系想爆粗。连加一＄４２０
本来有叫八爪鱼棒架，点知原来佢冇落单，不过都好彩，因为食到最后真系好饱，再来都食唔哂喇。
张贴
