Cafe Charm's (已結業)

呢日约左位理工大学的朋友同佢影毕业相, 中间一段时间空左落黎唔知做咩好, 于是就搜寻下附近有咩好食, 自己一个去食个休闲既午餐, 再去影相。揾到附近有茶餐厅、日本菜、韩国菜等等, 仲有呢一间CAFE, 最近响OPENRICE好HEAT呢! 最后决定黎呢度试~ 入到去环境几大, 几舒适~ 原来都几多人下~ 好彩一个人易拎位好多 点左个卡邦尼意大利粉加鸡扒, 仲要左杯冻焙茶鲜奶。冻焙茶鲜奶, 抹茶就听得多, 焙茶真系少接触~ 饮落去, 冇抹茶的涩味, 茶味好浓好香, 最紧要既系唔太甜, 岩岩好, 女士唔会怕肥, 加上系茶类, 感觉健康好多 系抹茶既另一选择 一点都唔会腻, 唔似出面好多CAFE既饮品系咁落糖水卡邦尼意大利粉, 意粉好够热, 个意粉汁唔会太过CREAMY, 好香, 吾会太多汁而觉得好油腻, 好足料, 有好多烟肉同鲜菌, 份量足   个鸡扒都唔失色, 用左香草去腌先煎, 煎得脆而香, 令到入口更令人回味鸡皮好薄~ 唔肥, 好岩怕肥既女仔食埋都得cafe水准几高, 食物上台都好快~ 用餐体验不错, 可以去一试, 去支持小店经营