HMV Kafé (已結業)

一日不见如隔三秋，屋企条乸同屋企人去咗旅行，一去就十五个秋。呵呵，可以休息下啦！一支公食咩好呢？一个人闷闷地，就不如一个有得听音乐嘅地方，于是我就一支公去咗铜锣湾HMV四楼嘅HMV Kafé觅食（大家唔好误会）。点知因为今日系星期四，人哋无HMV Live啰！好彩都有MTV播下，都无咁闷！Spring唔好讲咁多，整杯嘢饮先！店员推介HMV Kafé Special Mocktail，有Spring，Summer，Autumn同Winter四季。我最后拣咗Spring, 桃茶加菠萝汁，加埋蜜糖，入口比较甜。黑松露脆薯条唔好讲咁多，整个小食嚟食下先。薯条新鲜炸起，金黄色热辣辣。最正系薯条粗切，好有口感，薯仔味好重。配埋𠮶黑松露酱，真系无得弹，正！龙虾汤煮原条烤鱼配海鲜及杂菜哗！一嚟到就好香啦！有阵阵龙虾汤味。A姐教落第一时间梗系试咗𠮶汤先，龙虾味香浓，不过比较稀，可能因为加咗蔬菜，出咗水。除咗蔬菜之外，仲有青口同蚬，好弹口。到主角条烤鱼啦，真系好大条，外皮香脆，肉质嫩滑，非常弹牙。讲真，一个人食，真系好饱，好满足！