影片
更多
2007-09-23
16 浏览
一行9 人拣呢度食中秋饭, 原因系佢个12 位$1333 (Mon-Thu) / $1666 (Fri-Sun) 全包套餐价钱吸引, 泊车又唔驶钱2 hours.0野食水准整体一般, 不过无期望就无失望啦:- 乳猪: 皮够脆, 整体劲油, 又劲多肥膏.- "富贵配霸王": 菜名令人汗颜, 其实只系蛋白蟹肉西兰花... 味道够清淡, 都ok, 不过个"欠" 汁真系太杰了.- 蚝油冬菇菜胆螺片: 一般, 水准同好多地方差不多.- 芒果带子卷: 揾笨的, 除0左手指甲咁细0既芒果, 杂菜同面粉之外, 无其他馅. 好在炸得够脆够热辣, 又唔系咁油.- 翅汤: 一般, 套餐咁0既价钱, 都预0左无乜翅. 不过不得不提侍应"毕" 0野d 手势有几"专业", 佢只手肘系hai 度其中一碗d 汤的, 吓死人.- XO 酱炒虾: 翠玉瓜好爽脆, 不过唔多够甜; 虾够新鲜, 好爽, 唔错; XO 酱就唔够辣(我已经唔食得辣了, 可想而知个酱有几唔辣!), 又唔惹味.- 蒸老虎斑: 卖相几靓, 好新鲜咁款... 食落肉质几滑, 不过劲多鱼鳞去唔清, 食到火都0黎埋; 而且唔系好熟㖞, 近骨位置有血水"标
0野食水准整体一般, 不过无期望就无失望啦:
- 乳猪: 皮够脆, 整体劲油, 又劲多肥膏.
- "富贵配霸王": 菜名令人汗颜, 其实只系蛋白蟹肉西兰花... 味道够清淡, 都ok, 不过个"欠" 汁真系太杰了.
- 蚝油冬菇菜胆螺片: 一般, 水准同好多地方差不多.
- 芒果带子卷: 揾笨的, 除0左手指甲咁细0既芒果, 杂菜同面粉之外, 无其他馅. 好在炸得够脆够热辣, 又唔系咁油.
- 翅汤: 一般, 套餐咁0既价钱, 都预0左无乜翅. 不过不得不提侍应"毕" 0野d 手势有几"专业", 佢只手肘系hai 度其中一碗d 汤的, 吓死人.
- XO 酱炒虾: 翠玉瓜好爽脆, 不过唔多够甜; 虾够新鲜, 好爽, 唔错; XO 酱就唔够辣(我已经唔食得辣了, 可想而知个酱有几唔辣!), 又唔惹味.
- 蒸老虎斑: 卖相几靓, 好新鲜咁款... 食落肉质几滑, 不过劲多鱼鳞去唔清, 食到火都0黎埋; 而且唔系好熟㖞, 近骨位置有血水"标" 出来0既.\
- 风沙吊烧鸡(见图): 侍应话"因为系即烧", 所以耐d, 不过全世界都等了一个钟/超过一个钟! 搞到我0地无端端要俾一个钟(total 泊了多过2 hours) 泊车钱-_-" 不过算啦. 好在呢个鸡几好食, 皮脆肉嫩, 加埋d 蒜粒好惹味, 只系油0左d.
- 荷叶饭: d 饭好香好好食, 不过d 𩠌 (e.g. 猪肉粒) 唔得.
- 莲蓉馅寿包: 个包几软熟! (无食d 莲蓉馅, 唔讲咁多)
环境迫夹, d 侍应/阿姐行来行去成日撞到坐aisle 0既我-_-" Service 好唔专业, 除0左上述的手肘翅汤之外, 上菜都好唔专业... 一张大圆台, 上菜竟然放晒0系转盘0既正中间, 叫人点夹0野!!?!?!? -__-!!! 而且成日唔识自动帮你加热水冲茶... 唉.
不过算啦, $115 一个头, 仲要求d 乜!?
张贴
